كاسپيي قۇبىر كونسورتسيۋمىنا (كقك) جاسالعان شابۋىلدان كەيٸنگٸ زالال كٶلەمٸ ەزٸرگە بەلگٸسٸز. بۇل تۋرالى ۆيتسە-مينيستر ەنەرگەتيكي ەرلان اكباروۆ مەلٸمدەدٸ دەپ حابارلايدى Dalanews.kz.
اكباروۆتىڭ ايتۋىنشا, زالالدىڭ ناقتى كٶلەمٸ تۋرالى اقپارات قازٸر جوق.
«زاقىمدانعان ەلەمەنتتەردٸڭ بٸرٸ شتاتتىق رەجيمدە جۇمىس ٸستەپ تۇر, ەكٸنشٸسٸ جٷيەگە قوسىلۋ ٷستٸندە. مۇناي تاسىمالىنا قاتىستى قانداي دا بٸر شەكتەۋلەر ەنگٸزٸلگەن جوق», – دەدٸ ول.
بالاما جولدار
كاسپيي قۇبىر كونسورتسيۋمىنىڭ (كقك) ينفراقۇرىلىمىنا جاسالعان شابۋىلداردان كەيٸن قازاقستان مۇناي ەكسپورتىن التەرناتيۆتٸ مارشرۋتتار ارقىلى ارتتىرا باستادى.
Reuters اگەنتتٸگٸ مۇناي-گاز سالاسىنداعى بەس دەرەككٶزگە سٸلتەمە جاساپ, جەلتوقسان ايىندا قازاقستان كقك ارقىلى جٷرەتٸن مۇناي اعىنىنىڭ بٸر بٶلٸگٸن «باكۋ – تبيليسي – دجەيحان» (بتد) قۇبىرىنا قايتا باعىتتايتىنىن جازادى.
اقپاراتقا سەيكەس, تەڭٸز بەن قاشاعان كەن ورىندارىنان ٶندٸرٸلەتٸن مۇناي تانكەرلەرگە تيەلٸپ, كاسپيي ارقىلى باكۋگە جەتكٸزٸلەدٸ. ونداعان سوڭ, شيكٸزات گرۋزييا اۋماعى ارقىلى تٷركيياعا جٶنەلتٸلەدٸ.
29 قاراشادا كقك نىساندارىنا شابۋىل جاسالىپ, ۆپۋ-2 دەپ اتالاتىن قۇرىلعى ايتارلىقتاي زاقىمدانعان. كونسورتسيۋم ارقىلى تەڭٸز, قاشاعان جەنە قاراشىعاناق كەن ورىندارىنىڭ مۇنايى ەكسپورتتالادى.
قازاقستاننىڭ سىرتقى ٸستەر مينيسترلٸگٸ وقيعاعا بايلانىستى رەسمي نوتا جولداپ, نارازىلىق بٸلدٸردٸ. ال ۋكراينا تاراپى بۇل ەرەكەت قازاقستانعا قارسى باعىتتالماعانىن مەلٸمدەدٸ.
