ماراپاتتاۋ سالتاناتىنا موڭعولييادان ارنايى كەلگەن موڭعولييا پرەمەر-مينيسترٸنٸڭ ورىنباسارى سايانبۋيان امارسايحان, قر اقپارات جەنە قوعامدىق دامۋ مينيسترٸ دارحان قىدىرەلٸ جەنە ەكٸ ەلدٸڭ تيٸستٸ مەكەمە قىزمەتكەرلٸ قاتىستى.
قازاقستان مەن موڭعولييا اراسىنداعى دوستىق قارىم-قاتىناستىڭ 30 جىلدىعىنا وراي ۇيىمداستىرىلعان شارا بارىسىندا قازاقستان ازاماتتارىن ماراپاتتاۋ موڭعولييانىڭ قازاقستانداعى ەلشٸلٸك عيماراتىندا ٶتتٸ.
موڭعولييا مەن قازاقستاننىڭ قارىم-قاتىناسىنىڭ دامۋىنا قوسقان زور ٷلەسٸ ٷشٸن QazaqGeography قوعامىنىڭ اتقارۋشى ديرەكتورى ورمان نۇرباەۆ «التىن جۇلدىز» وردەنٸمەن ماراپاتتالسىن. موڭعولييا پرەزيدەنتٸ ۋ.حٷرەلسٷحتٸڭ №124 جارلىعى - دەلٸنگەن ماراپاتتاۋ جارلىعىندا.
سونىمەن قاتار حالىقارالىق تٷركٸ اكادەميياسىنىڭ عىلىمي قىزمەتكەرٸ, عالىم اقەدٸل تويشان موڭعولييا پرەزيدەنتٸنٸڭ جارلىعىمەن «دوستىق» وردەنٸمەن ماراپاتتالدى.
موڭعولييا مەن قازاقستاننىڭ ىنتىماقتاستىعىنىڭ دامۋىنا قوسقان ەلەۋلٸ ٷلەسٸ ٷشٸن حالىقارالىق تٷركٸ اكادەميياسىنىڭ ساراپشىسى, عالىم اقەدٸل تويشانۇلى موڭعولييانىڭ «دوستىق» وردەنٸمەن ماراپاتتالسىن. موڭعولييا پرەزيدەنتٸ ۋ.حٷرەلسٷحتٸڭ №124 جارلىعى ۇلانباتىر قالاسى 2022 جىلعى شٸلدە – دەلٸنگەن ماراپاتتاۋ جارلىعىندا.
اقەدٸل تويشان – ەتنوگراف, عالىم, فيلولوگييا عىلىمدارىنىڭ كانديداتى. قازاقستان مەن موڭعولييا اراسىنداعى مەدەني ٶكٸل. حالىقارالىق تٷركٸ اكادەميياسىندا ساراپشى, اكادەمييانىڭ موڭعولييادا اتقارىلاتىن جۇمىستارىن جان-جاقتى سارالاپ, ٷيلەستٸرۋمەن جەنە تٸلماشتىق قىزمەت اتقارۋمەن اينالىسىپ كەلەدٸ.
ورمان نۇرباەۆ – 2007-2012 جىلدارى قازاقستاننىڭ موڭعوليياداعى ەلشٸسٸ بولىپ ابىرويلى قىزمەت اتقارعان العاشقى ەلشٸلەردٸڭ بٸرٸ.
