Marapattaý saltanatyna Mońǵoliiadan arnaiy kelgen Mońǵoliia Premer-ministriniń orynbasary Saianbýian Amarsaihan, QR Aqparat jáne qoǵamdyq damý ministri Darhan Qydyráli jáne eki eldiń tiisti mekeme qyzmetkerli qatysty.
Qazaqstan men Mońǵoliia arasyndaǵy dostyq qarym-qatynastyń 30 jyldyǵyna orai uiymdastyrylǵan shara barysynda Qazaqstan azamattaryn marapattaý Mońǵoliianyń Qazaqstandaǵy elshilik ǵimaratynda ótti.
Mońǵoliia men Qazaqstannyń qarym-qatynasynyń damýyna qosqan zor úlesi úshin QazaqGeography qoǵamynyń atqarýshy direktory Orman Nurbaev «Altyn juldyz» ordenimen marapattalsyn. Mońǵoliia Prezidenti Ý.Húrelsúhtiń №124 Jarlyǵy - delingen marapattaý Jarlyǵynda.
Sonymen qatar Halyqaralyq Túrki akademiiasynyń ǵylymi qyzmetkeri, ǵalym Aqedil Toishan Mońǵoliia Prezidentiniń Jarlyǵymen «Dostyq» ordenimen marapattaldy.
Mońǵoliia men Qazaqstannyń yntymaqtastyǵynyń damýyna qosqan eleýli úlesi úshin Halyqaralyq Túrki akademiiasynyń sarapshysy, ǵalym Aqedil Toishanuly Mońǵoliianyń «Dostyq» ordenimen marapattalsyn. Mońǵoliia Prezidenti Ý.Húrelsúhtiń №124 Jarlyǵy Ulanbatyr qalasy 2022 jylǵy shilde – delingen marapattaý Jarlyǵynda.
Aqedil Toishan – etnograf, ǵalym, filologiia ǵylymdarynyń kandidaty. Qazaqstan men Mońǵoliia arasyndaǵy mádeni ókil. Halyqaralyq Túrki akademiiasynda sarapshy, akademiianyń Mońǵoliiada atqarylatyn jumystaryn jan-jaqty saralap, úilestirýmen jáne tilmashtyq qyzmet atqarýmen ainalysyp keledi.
Orman Nurbaev – 2007-2012 jyldary Qazaqstannyń Mońǵoliiadaǵy elshisi bolyp abyroily qyzmet atqarǵan alǵashqy elshilerdiń biri.
