«كومپيۋتەرلىك گرافيكاسى، مۋزىكاسى رەتتەلىپ، 16 جەلتوقساندا ءفيلمنىڭ سوڭعى نۇسقاسى ۇسىنىلادى. قاتتى سىناماڭىزدار، ءالى جەتىسپەي جاتقان تۇستارى بار. فيلمگە بارلىعى 280 ملن تەڭگە جۇمسالدى. «بازيس ا» كومپانياسى مەن «فريدوم فينانس» كومپانياسىنا ۇلكەن العىسىمىزدى ايتامىز. 50 ملن تەڭگەدەي قارجى جەتىسپەۋشىلىگى بار ءالى دە. بيىلعى جىلى فيلم توقتاپ تۇرعان كەزدە الماتى قالاسى اكىمىنىڭ قولداۋىمەن «بازيس ا» كومپانياسى 180 ملن تەڭگە قارجىلاي كومەك كورسەتكەنىن ايتا كەتكىم كەلىپ وتىر. سونىڭ ارقاسىندا جەتىستىككە جەتىپ وتىرمىز. ەندىگى جەتىسپەي وتىرعان قارجىنى مادەنيەت جانە سپورت ءمينيسترلى بولەدى دەگەن ءۇمىتىمىز بار. بۇگىنگى نۇسقا پروكاتقا ارنالعان. وسى كينو ۆەرسيانى تولىقتىرىپ 16 جەلتوقساندا ۇسىنامىز، سوڭىنان 10 سەريا بىردەن كورسەتىلەدى. ءبىراق، بىردە-بىر تەلەارنامەن ازىرگە كەلىسىم جاساسقان جوقپىز. بىرەۋى كەلىپ، اۆتورلىعىنا ءبىز يە بولايىق دەگەن جوق. ەشبىرىنەن سۇرانىس تۇسكەن جوق. ۇلتتىق كومپانيالاردىڭ بىردە-بىرەۋىنەن كومەك بولمادى. بۇل اششى شىندىق. قاراپايىم حالىق 1 ملن تەڭگە جيناپ بەردى. ارينە، بۇل ءبىر اكتەردىڭ جالاقىسى عانا. دەگەنمەن، ەلدىڭ ىقىلاسىن ايتىپ وتپەي بولمايدى. 1000 تەڭگە بولسا دا اۋدارعانىن كوردىك. فيلم الماتى وبلىسىنىڭ ماڭىندا ءتۇسىرىلدى»، — دەدى رۇستەم ابدىراشيەۆ.
رەجيسسەردىڭ ايتۋىنشا، فيلمدەگى اكتەرلەردىڭ كيىمى، ساۋىت-سايماندارى قىتايدا جاسالعان.
«كيىمدەردى قازاقستاندا تىكتىك، ساۋىت-سايمان، قارۋ-جاراق، ات ابزەلدەرىن قىتايدا كينوعا ارناپ قۇرال-سايمان ازىرلەيتىن كومپانيادا جاساتتىق. بولاشاقتا ونداي كومپانيانى وزىمىزدە اشقىمىز كەلەدى»، — دەدى ول.
فيلم سەناريىن جازعان جازۋشى سماعۇل ەلۋبايەۆ ەل كۇتكەن ءفيلمنىڭ قاعازداعى نۇسقاسىن تۇسىرۋگە 4-5 اي ۋاقىت كەتكەنىن ايتتى.
«ءىلياس ەسەنبەرليننىڭ «الماس قىلىش» تاريحي رومانىن ەكراندايىق دەگەن ەلباسىنىڭ ۇسىنىسىنان كەيىن تيمۋر جاقسىلىقوۆ دەگەن ورىسشا جازاتىن تالانتتى سەناريست ەكەۋىمىز 4-5 ايداي وتىرىپ دايىندادىق. سەنارييگە ارينە، وزگەرىستەر ەنگىزىلدى. ءبىز جاعزان نۇسقانىڭ 80 پايىزى ەكراندالدى. سەناريي دايىن بولعاننان كەيىن رەجيسسەر تاڭداۋ ماسەلەسى ۇلكەن داۋ بولدى. سودان رۇستەمنىڭ كانديداتۋراسى ءوتىپ، مىناداي ءىس جاسالدى»، — دەدى سماعۇل ەلۋباي.
