بٷگٸن مەملەكەت باسشىسى ساياسي قۋعىن-سٷرگٸن جەنە اشارشىلىق قۇرباندارىن ەسكە الۋعا ارنالعان ٸس-شارادا سٶز سٶيلەدٸ.
- بٸز جىل سايىن 31 مامىردا ساياسي قۋعىن-سٷرگٸن جەنە اشارشىلىق قۇرباندارىن ەسكە الامىز. زۇلمات زاماندا قازا بولعان جانداردىڭ رۋحىنا تاعزىم ەتەمٸز.
ٶتكەن عاسىردا كەڭەس وداعىنا قاراستى كٶپتەگەن حالىق تالاي قيىندىقتى باستان ٶتكەردٸ. سونىڭ ٸشٸندە قازاق ەلٸ دە زوبالاڭ جىلداردىڭ تاۋقىمەتٸن تارتتى. كٷشپەن ۇجىمداستىرۋ ناۋقانى كەزٸندە مال-مٷلكٸنەن ايىرىلدى. جۇرتىمىز الاپات اشتىقتان قىناداي قىرىلدى, كٶپ ادام جان ساۋعالاپ, شەتەل اسىپ كەتۋگە مەجبٷر بولدى.
ستاليندٸك رەپرەسسييا كەزٸندە ۇلتىمىزدىڭ زييالىلارى, بٸلٸمدٸ, كٶزٸ اشىق ازاماتتار جاپپاي قۋدالاندى. مىڭداعان ادام حالىق جاۋى اتانىپ, اياۋسىز ازاپتالدى, سوتسىز اتىلدى. ۇلتىمىز از عانا ۋاقىت ٸشٸندە ەليحان بٶكەيحانوۆ, احمەت بايتۇرسىنوۆ, سەكەن سەيفۋللين, ٸليياس جانسٷگٸروۆ سيياقتى مىڭداعان ەڭ اسىل پەرزەنتتەرٸنەن ايىرىلدى, - دەدٸ پرەزيدەنت.
