مۇنداي دٷنيەلەر بٸر كٷندە پايدا بولماعانى انىق. بۇل – قۇلدىق سانانىڭ نەتيجەسٸ. ايتپاقشى, قر پارلامەنتٸ مەجٸلٸسٸ دەپۋتاتتارىمەن جەنە «قازاق تٸلٸ» قوعامى ٶكٸلدەرٸمەن سٶز تالاستىرعان سامال ەسٸمدٸ جاس كەلٸنشەكتٸڭ زايىبى ەسكەري ادام ەكەن. قازٸرگٸ تاڭدا ەسكەري سالادا قىزمەت ەتٸپ جٷرگەندەردٸڭ كٶپشٸلٸگٸ ورىس تٸلٸنٸڭ مٷددەسٸن قورعاپ, سويىلىن سوعۋعا دايىن تۇرادى.
تاياۋدا بٸر تانىسىمىز اۋىزاشار داستارحانىن جايىپ, بٸراز ادامنىڭ باسىن قوستى. كەڭ داستارحان باسىندا ەسكەري سالادا قىزمەت ەتەتٸن بٸر ازامات تا بولدى.
ەڭگٸمەدەن ەڭگٸمە شىعىپ, بيىل ەلٸمٸزدە ەسكەري شەرۋدٸڭ ٶتكٸزٸلمەيتٸنٸن جينالعانداردىڭ بەرٸ قولداپ, ەڭگٸمە قىلىستى. بۇدان كەيٸن سٶز اۋانى ۇلى وتان سوعىسىنا اۋىپ, «بەسسمەرتنىي پولك» ەڭگٸمەگە ارقاۋ بولدى.
سول كەزدە ەلگٸ وفيتسەر اعامىز «بەسسمەرتنىي پولك» شەرۋٸن ٶتكٸزۋدٸڭ ەشقانداي سٶكەتتٸگٸ جوق ەكەنٸن ايتىپ, بۇل – ۇلى وتان سوعىسىندا مەرت بولعان اتالارىمىزعا كٶرسەتٸلگەن قۇرمەت دەپ قابىلدايتىنىن ايتتى.
ەسكەري ادامنىڭ مىنا سٶزٸنەن كەيٸن كٶزٸ اشىق تاعى بٸر اعامىز:
– سوڭعى جىلدارى رەسەي «بەسسمەرتنىي پولك» شەرۋٸن ساياسيلاندىرىپ جٸبەردٸ. قازاق ٷشٸن سوعىس قۇندىلىق بولماۋى كەرەك. ۇلى وتان سوعىسى كەزٸندە مەرت بولعان اتالارىمىزدىڭ ەرۋاعىنا قۇران باعىشتاپ, جەڭٸس كٷنٸ جەتٸ شەلپەك پٸسٸرٸپ ەسكە الساق جەتٸپ جاتىر. بۇل ٷشٸن «بەسسمەرتنىي پولك» شەرۋٸن ٶتكٸزۋدٸڭ قاجەتٸ جوق, – دەپ جٶن سٶزدٸ ايتتى.
بٸراق ٶمٸر بويى ورىستىڭ قارۋىن ۇستاپ, سولار جازىپ بەرگەن «ۋستاۆپەن» ٶمٸر سٷرگەن وفيتسەر اعامىز ايتقانىنان قايتپادى. وعان سالساق «بەسسمەرتنىي پولك» شەرۋٸن ٶتكٸزە بەرۋٸمٸز كەرەك ەكەن.
بٸراق, اۋىزاشارعا جينالعانداردىڭ كٶپشٸلٸگٸ ەسكەري ازاماتتىڭ سٶزٸن قولداعان جوق. وسىلايشا داستارحان باسىندا از-كەم پٸكٸر-تالاس ورناعانىنا كۋە بولدىق.
جالىپ, ەسكەري سالادا قىزمەت ەتەتٸن قازاق تٸلدٸ وفيتسەرلەردٸڭ ورىستى جاقتاپ, ولاردىڭ قارۋى امەريكانىڭ قارۋىنان كٷشتٸ ەكەنٸن ايتىپ, داۋلاسا كەتۋگە دايار تۇراتىنى جاسىرىن ەمەس.
ەلٸمٸزدٸ سىرتقى جاۋدان قورعايدى دەگەن كٶپتەگەن ەسكەريلەردٸڭ وسىلاي ويلايدى. ولارعا ورىستىڭ پروپاگانداسى ٶتٸپ كەتكەن. ەسكەردەگٸ «ەلەمجەتتٸك» ولار ٷشٸن قالىپتى دٷنيە. بۇل جاقسىلىقتىڭ نىشانى ەمەس.
بٷگٸندە قازاق ەسكەرٸنٸڭ فورماسى ٶزگەرگەنٸمەن, ٸشكٸ مازمۇنى سول كٷيٸندە قالىپ قويعان. مينيستردەن باستاپ, وفيتسەرلەردٸڭ بەرٸ ورىس تٸلٸندە بۇيرىق بەرۋگە دايار تۇرادى.
كٷنٸ كەشە عانا قورعانىس مينيسترٸ قازاق تٸلٸندە ەجٸكتەپ ماقال شىعارىپ, حالىقتىڭ سىنىنا ۇشىراعانىنا كۋە بولدىق. بٷگٸن ۇلتى قازاق وفيتسەرلەرٸنٸڭ ەيەلدەرٸ پۋتيننەن كٶمەك سۇراۋدان ارلانبادى. بۇعان كەيبٸر وفيتسەرلەردٸڭ «بەسسمەرتنىي پولك» شەرۋٸن ٶتكٸزۋدٸ قالىپتى دٷنيە سانايتىنىن قوسىڭىز. ال وسىدان قانداي قورىتىندى شىعارۋعا بولادى?
بٸزدٸڭ ەسكەري سالادا قىزمەت ەتەتٸن وفيتسەرلەردٸڭ وي-پايىمىن ٶزگەرتۋٸمٸز كەرەك.
ەگەر مۇنداي پروفيلاكتيكالىق شارانى جٷرگٸزبەسەك, رەسەي ەسكەرٸ ەلٸمٸزدٸڭ شەتٸنەن كٸرٸپ كەلسە, قازاق وفيتسەرلەرٸنٸڭ ەيەلدەرٸ قولدارىنا گٷل الىپ, قاۋانىشپەن ولاردى قارسى الۋى بەك مٷمكٸن.
سوندىقتان ەسكەري سالادا يدەولوگييالىق ٸس-شارالاردى كٷشەيتكەن ابزال. ەسكەري ەرەجەلەردٸ قازاق تٸلٸنە اۋدارىپ قانا قويماي, ولاردىڭ بەرٸن قازاق رۋحتا قايتا جازۋ قاجەت. ەسكەريلەردٸڭ قولداناتىن كٸتاپتارى كٶپ ەمەس, ارى كەتسە, ونشاقتى كٸتاپ. سولاردىڭ بەرٸن قازاق تٸلٸندە جازىپ شىعۋىمىز كەرەك. ەيتپەسە, مىناداي ەسكەر بٸزدٸ ۇشپاققا شىعارمايدى.
