ەلوردادا Counter-Strike 2 ديستسيپليناسى بويىنشا ٶتكەن حالىقارالىق PGL Astana 2026 تۋرنيرٸ مەرەسٸنە جەتتٸ, دەپ حابارلايدى dalanews.kz.
تۋرنيردٸڭ قورىتىندى كٷنٸندە باستى نازار Team Spirit پەن Team Falcons اراسىنداعى فينالدىق كەزدەسۋگە اۋدى.
نەتيجەسٸندە Team Spirit قارسىلاسىن 3:0 ەسەبٸمەن سەنٸمدٸ تٷردە جەڭٸپ, استانادا ەكٸنشٸ جىل قاتارىنان چەمپيوندىق اتاعىن قورعاپ قالدى.
فينالداعى ٷزدٸك كيبەرسپورتشىلاردىڭ بٸرٸ – ەڭ قۇندى ويىنشى (MVP) اتاعىن يەلەنگەن دانيل donk كرىشكوۆەتس بولدى.
ٷش كٷن ٸشٸندە Barys Arena-داعى ماتچتاردى شامامەن 20 مىڭ كٶرەرمەن تاماشالادى. سونىمەن قاتار, ەلەم بويىنشا 2 ميلليوننان استام كيبەرسپورت جانكٷيەرٸ ويىنداردى ونلاين-ترانسلياتسييا ارقىلى باقىلاعان. بۇل جارىسقا حالىقارالىق قىزىعۋشىلىقتىڭ جوعارى ەكەنٸن كٶرسەتتٸ.
تۋرنيردٸڭ جالپى جٷلدە قورى 1,6 ميلليون اقش دوللارىن قۇرادى. PGL Astana 2026 قازاقستانداعى ەڭ ٸرٸ حالىقارالىق كيبەرسپورتتىق وقيعالاردىڭ بٸرٸنە اينالىپ, استانانىڭ اۋقىمدى تۋرنيرلەر مەن سپورتتىق ٸس-شارالاردى ٶتكٸزۋگە ارنالعان زاماناۋي حالىقارالىق الاڭ رەتٸندەگٸ مەرتەبەسٸن تاعى بٸر مەرتە ايقىندادى.
ەسكە سالايىق, حالىقارالىق PGL Astana 2026 تۋرنيرٸ 15-17 مامىر ارالىعىندا ەلورداداعى Barys Arena كەشەنٸندە ٶتٸپ, ەلەمنٸڭ Counter-Strike بويىنشا ەڭ مىقتى 16 كومانداسىن جينادى.
