Elordada Counter-Strike 2 distsiplinasy boiynsha ótken halyqaralyq PGL Astana 2026 týrniri máresine jetti, dep habarlaidy dalanews.kz.
Týrnirdiń qorytyndy kúninde basty nazar Team Spirit pen Team Falcons arasyndaǵy finaldyq kezdesýge aýdy.
Nátijesinde Team Spirit qarsylasyn 3:0 esebimen senimdi túrde jeńip, Astanada ekinshi jyl qatarynan chempiondyq ataǵyn qorǵap qaldy.
Finaldaǵy úzdik kibersportshylardyń biri – eń qundy oiynshy (MVP) ataǵyn ielengen Danil donk Kryshkovets boldy.
Úsh kún ishinde Barys Arena-daǵy matchtardy shamamen 20 myń kórermen tamashalady. Sonymen qatar, álem boiynsha 2 millionnan astam kibersport jankúieri oiyndardy onlain-transliatsiia arqyly baqylaǵan. Bul jarysqa halyqaralyq qyzyǵýshylyqtyń joǵary ekenin kórsetti.
Týrnirdiń jalpy júlde qory 1,6 million AQSh dollaryn qurady. PGL Astana 2026 Qazaqstandaǵy eń iri halyqaralyq kibersporttyq oqiǵalardyń birine ainalyp, Astananyń aýqymdy týrnirler men sporttyq is-sharalardy ótkizýge arnalǵan zamanaýi halyqaralyq alań retindegi mártebesin taǵy bir márte aiqyndady.
Eske salaiyq, halyqaralyq PGL Astana 2026 týrniri 15-17 mamyr aralyǵynda elordadaǵy Barys Arena kesheninde ótip, álemniń Counter-Strike boiynsha eń myqty 16 komandasyn jinady.
