ارنايى قوردان 9 ملرد تەڭگەدەن اسا سوما اقتوبە وبلىسىنا باعىتتالدى،- دەپ حابارلايدى Dalanews.kz.
قاراجات 12 الەۋمەتتىك نىساننىڭ قۇرىلىسىنا بولىنگەن.
"اۋىل مەديسيناسىنا ەرەكشە نازار اۋدارىلدى. العا اۋدانىنىڭ مارجانبۇلاق اۋىلىندا جاڭا مەديسينالىق پۋنكتتىڭ قۇرىلىسى باستالدى. جوباعا 190 ملن تەڭگە ءبولىندى. بۇل جەرگىلىكتى تۇرعىنداردى وبلىس ورتالىعىنا بارماي-اق قاجەت مەديسينالىق كومەكپەن قامتاماسىز ەتۋگە مۇمكىندىك بەرەدى"، - دەپ جازىلعان حابارلامادا.
بۇدان بولەك وبلىستىڭ تاعى 10 اۋىلىندا جاڭا مەديسينالىق مەكەمەلەردىڭ قۇرىلىسى جۇرگىزىلىپ جاتىر.
بۇعان دەيىن قوستاناي وبلىسىندا سۋ قۇبىرى جەلىلەرى قۇرىلىسىنا ارنايى مەملەكەتتىك قوردان 5 ملرد تەڭگەدەن اسا قارجى ءبولىندى.
