استانادا اۋدانارالىق قىلمىستىق ٸستەر جٶنٸندەگٸ سوتتا قايرات ساتىبالدىۇلىنا قاتىستى باستى سوت وتىرىسى باستالدى, - دەپ حابارلايدى Dalanews.kz.
بۇل جولى ساتىبالدىۇلى قىلمىستىق جولمەن الىنعان اقشانى زاڭداستىرۋ (جىلىستاتۋ) بويىنشا ايىپتالىپ وتىر.
قايرات ساتىبالدىۇلىنىڭ ٶزٸ سوت زالىندا جوق. ول پروتسەسكە ونلاين قوسىلۋى كەرەك ەدٸ, بٸراق تەحنيكالىق اقاۋلارعا بايلانىستى مٷمكٸن بولمادى. وسىعان بايلانىستى سوت ٷزٸلٸس جارييالادى.
ەسكە سالايىق, 2022 جىلى ناۋرىزدا ساتىبالدىۇلى شەتەلگە قاشىپ بارا جاتقان جەرٸنەن ۇستالعان بولاتىن.
ال قىركٷيەكتە استانادا سوتى قايرات ساتىبالدىۇلىن التى جىلعا باس بوستاندىعىنان ايىرۋعا ٷكٸم شىعاردى, ونىڭ مٷلكٸ تەركٸلەندٸ جەنە 10 جىل بويى مەملەكەتتٸك قىزمەتتە جۇمىس ٸستەۋگە تىيىم سالىندى. سوت بارىسىندا ساتىبالدىۇلى "قازاقتەلەكوم" جەنە "كٶلٸك سەرۆيس ورتالىعى" كومپانييالارىنا زالالدى ٶتەۋ رەتٸندە ونداعان ميلليارد تەڭگە تٶلەگەنٸ مەلٸمدەلدٸ. تاراپتار مەدياتيۆتٸك كەلٸسٸم جاساستى.
2023 جىلى جەلتوقساندا قايرات ساتىبالدىۇلى 55 ميلليارد تەڭگەدەن اسا اقشانى مەملەكەتكە قايتارعان بولاتىن. انتيكور قايرات ساتىبالدىۇلىنا جەنە باسقا دا ادامدارعا قاتىستى جٷرگٸزٸلٸپ جاتقان تەرگەۋ شەڭبەرٸندە ەلدەن زاڭسىز شىعارىلعان اكتيۆتەردٸ, ونىڭ ٸشٸندە قىلمىستىق جولمەن الىنعان اقشانى جەنە ٶزگە دە مٷلٸكتٸ قايتارىپ جاتقانىن حابارلاعان بولاتىن.
بيىل اقپاندا ساتىبالدىۇلىنا قاتىستى سوتقا دەيٸنگٸ تەرگەۋ امالدارى اياسىندا بيۋدجەتكە تاعى دا شامامەن 82,6 ميلليارد تەڭگە (185 ملن اقش دوللارى) تٷستٸ. ودان بٶلەك اقمولا وبلىسىنىڭ قوسشى قالاسىنداعى 942 گەكتار جەر ۋچاسكەسٸ مەملەكەتكە قايتارىلدى. ونىڭ نارىقتىق قۇنى 13 ميلليارد تەڭگەدەن اسادى.
