مەجٸلٸس دەپۋتاتى ەرمۇرات باپي باس پروكۋرورعا قايرات ساتىبالدىۇلىنىڭ "حيلتون" قوناقٷيٸنە قاتىستى رەكەتتٸك قىلمىستارى تۋرالى ايتتى, - دەپ حابارلايدى Dalanews.kz.
دەپۋتاتتىڭ سٶزٸنشە, بىلتىر جەلتوقسان-قاڭتار ايلارىندا قايرات ساتىبالدى تاعى دا 150 ملرد تەڭگەنٸڭ اكتيۆٸن مەملەكەتكە قايتاردى دەگەن اشىق اقپارات بولعان. وسى سومانىڭ 4 ميللياردتان استام تەڭگەسٸ قايرات ساتىبالدىنىڭ جەكە كەسٸپكەردەن تارتىپ العان اكتيۆٸ.
"بۇل سوما ەكس-پرەمەر "مەملەكەتكە 1 ترلن تەڭگە اكتيۆ قايتارىلدى" دەگەن ەسەپتٸڭ ٸشٸنە دە كٸرٸپ كەتكەن. انىعىندا, قايرات ساتىبالدى "مەملەكەتكە قايتاردىم" دەگەن اكتيۆتٸڭ بٸر بٶلٸگٸ – "حيلتون-الماتى" قوناق ٷيٸن قيتۇرقى قىساستىق جاساۋ جولىمەن "ابلي-قۇرىلىس" جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ مەنشٸك يەسٸ شولپان قارانەەۆادان تارتىپ العان", - دەيدٸ دەپۋتات.
باپيدٸڭ سٶزٸنشە, ەكس-پرەزيدەنتتٸڭ نەمەرە ٸنٸسٸ 50-گە جۋىق ساقالدى نٶكەرلەرٸمەن كەلٸپ, "حيلتون" قوناق ٷيٸن باسىپ العان كەزدٸڭ ۆيدەوسى مەنشٸك يەسٸندە ساقتالعان.
"وسى رەكەتتٸك-قىلمىستىق ەرەكەتتٸ تەكسەرۋ بارىسىندا قاجەت دەسەڭٸز, ول ۆيدەونى قارانەەۆا حانىمنان سۇراتىپ الۋعا بولادى.
ٶتٸنٸش بەرۋشٸ سوتقا شاعىمدانسا دا, بٷگٸندە ساتىبالدى تٷرمەدە جاتسا دا, ەلٸ كٷنگە دەيٸن "كٷشتٸنٸڭ ارتى ديٸرمەن تارتۋدا". بۇل قىساستىق قىلمىسقا قارسى بۇعان دەيٸن دەپۋتات ماقسات تولىقباي اراشا تٷسۋ ەرەكەتٸن جاساسا دا, جەبٸر كٶرۋشٸ جاق جانۇشىرا جان-جاققا شاعىمدانىپ جٷرسە دە, «حيلتوننىڭ» حيكاياسى ساتىبالدىنىڭ پايداسىنا شەشٸلٸپ تۇر", - دەيدٸ ەرمۇرات باپي.
