قايرات بورانباەۆتىڭ كومپانيياسىنا تيەسٸلٸ بولعان جەر تەلٸمٸن اۋكتسيون ارقىلى ساتۋ مٷمكٸن بولمادى, دەپ حابارلايدى Dalanews.kz.
ەلەكتروندى ساۋدا الاڭىنىڭ دەرەكتەرٸنە سٷيەنسەك, اتالعان جەر ۋچاسكەسٸنە قاتىستى اۋكتسيون 13 تامىز كٷنٸ ٶتكەن. الايدا اۋكتسيون باستالعان سەتتە بٸردە-بٸر قاتىسۋشى تٸركەلمەگەن, سول سەبەپتٸ ساۋدا ٶتكٸزٸلمەي قالدى.
بۇرىن Almaly حولدينگٸنە تيەسٸلٸ بولعان بۇل جەر تەلٸمٸ شيەن اۋىلىنىڭ ماڭىندا ورنالاسقان. جالپى كٶلەمٸ 3323 گەكتاردى قۇرايدى. باستاپقى ساتۋ باعاسى – 243 ميلليون تەڭگە.
تەك بٸر جەر تەلٸمٸ عانا ساتىلدى
سول كٷنٸ, ياعني 13 تامىزدا, مەملەكەت مەنشٸگٸنە قايتارىلعان اكتيۆتەردٸ باسقاراتىن كومپانييانىڭ بالانسىندا تۇرعان تاعى توعىز جەر تەلٸمٸ بويىنشا دا اۋكتسيوندار جوسپارلانعان. الايدا سولاردىڭ ٸشٸندە تەك بٸر جەر تەلٸمٸ ساتىلدى.
اتاپ ايتقاندا, شامالعان اۋىلىندا ورنالاسقان, جالپى كٶلەمٸ 4546 گەكتار بولاتىن جەر تەلٸمٸ 217 ميلليون تەڭگەگە ساتىلدى. بۇل لوت بويىنشا بٸر عانا قاتىسۋشى ساۋداعا قاتىسۋعا نيەت بٸلدٸرگەن. اتالعان جەردٸڭ بۇعان دەيٸن كٸمگە تيەسٸلٸ بولعانى بەلگٸسٸز.
ايتا كەتەيٸك, بۇعان دەيٸن الماتى وبلىسىندا تەركٸلەنگەن 10 جەر تەلٸمٸ اۋكتسيونعا قويىلعانى تۋرالى جازعان ەدٸك. بۇل تۋرالى قايتارىلعان اكتيۆتەردٸ باسقارۋ كومپانيياسى حابارلادى.
ەڭ ارزان لوتتىڭ باستاپقى باعاسى 11,2 ملن تەڭگەنٸ, ال ەڭ قىمباتى - 474,7 ملن تەڭگەنٸ قۇرايدى. بارلىق لوتتاردىڭ جيىنتىق باستاپقى قۇنى 1,5 ملرد تەڭگەگە جەتەدٸ.
اۋكتسيونعا قويىلعان جەر تەلٸمدەرٸنٸڭ بٸرٸ - اۋماعى 3323 گەكتار بولاتىن ۋچاسكە - بۇرىن قايرات بورانباەۆ قۇرىلتايشىسى بولعان Almaly حولدينگٸنە تيەسٸلٸ بولعان. ول شيەن اۋىلىنىڭ ماڭىندا ورنالاسقان. بۇل ۋچاسكەنٸڭ باستاپقى باعاسى - 243 ملن تەڭگە.
اۋكتسيونعا قاتىسۋ ٷشٸن:
E-Qazyna پلاتفورماسىندا تٸركەلۋ;
كەپٸلدٸك جارنا ەنگٸزۋ;
ٶتٸنٸشتٸ بەلگٸلەنگەن مەرزٸمدە تاپسىرۋ قاجەت.
