قازاقستاندىق كەسٸپكەر قايرات بورانباەۆ “قايرات” فۋتبول كلۋبىنىڭ چەمپيوندار ليگاسىنىڭ نەگٸزگٸ كەزەڭٸنە العاش رەت شىعۋىن ەل سپورتى ٷشٸن ەرەكشە وقيعا دەپ اتادى, دەپ حابارلايدى Dalanews.kz.
"بٸز سوعان جەتتٸك. بۇل – جىلدار بويى اتقارعان ەڭبەگٸمٸزدٸڭ نەتيجەسٸ. قازاقستان فۋتبولى چەمپيوندار ليگاسىنىڭ ەنۇرانى شىرقالاتىن دەڭگەيگە كٶتەرٸلە الاتىنىن دەلەلدەدٸك. بٸزدٸڭ كوماندا وسىنداي اۋقىمداعى ويىنداردى بايىپپەن, مٸنەزبەن جەنە ابىرويمەن ٶتكٸزٸپ, جەڭٸسكە جەتە الادى", – دەدٸ ول.
بورانباەۆتىڭ ايتۋىنشا, بۇل جەتٸستٸك اكادەميياداعى, ينفراقۇرىلىمداعى جەنە جاستاردى قولداۋداعى جٷيەلٸ جۇمىستىڭ ۇزاق مەرزٸمدٸ جەمٸسٸ.
"دايىن شەشٸمدٸ سىرتتان ٸزدەۋدٸڭ قاجەتٸ جوق. ەگەر ەل ٸشٸندە ٶز كومانداڭدى, تەربيەلەنۋشٸلەرٸڭدٸ, ويىنىڭ ستيلٸن جەنە مەدەنيەتٸن دامىتا الساڭ – نەتيجە ٶزدٸگٸنەن كەلەدٸ. بۇل – كٷن سايىن جۇمىس ٸستەپ جٷرگەن جٷزدەگەن جاننىڭ ەڭبەگٸ: جاتتىقتىرۋشىلار, دەرٸگەرلەر, اناليتيكتەر, ەكٸمشٸلەر, ويىنشىلار. بۇل – سەنٸمنٸڭ, قاجىر-قايراتتىڭ, كٷردەلٸ شەشٸمدەردٸڭ جەمٸسٸ. بٸز مۇنى جانكٷيەرلەر ٷشٸن, قالا ٷشٸن, ەل ٷشٸن جاسادىق. ٶيتكەنٸ قازاقستاننىڭ فۋتبول ەلەۋەتٸ زور. ەۋروپانىڭ الىپ كلۋبتارى الماتىعا كەلۋٸ تيٸس. جٸگٸتتەردٸڭ ٶز فۋتبول ارمانى بولۋى ٷشٸن, قازاقستاندى شىن سٷيٸپ قانا قويماي, ماقتان ەتەتٸن كوماندا بولۋى ٷشٸن", – دەدٸ كەسٸپكەر.
ەسكە سالساق, كەشە “قايرات” العاش رەت چەمپيوندار ليگاسىنىڭ نەگٸزگٸ كەزەڭٸنە جولداما الدى. رافاەل ۋرازباحتين باپتايتىن الماتىلىق كوماندا پلەي-وففتا شوتلاندييانىڭ 55 دٷركٸن چەمپيونى “سەلتيكتٸ” جەڭٸپ, تاريحي جەڭٸسكە جەتتٸ.
وسىلايشا, “قايرات” چەمپيوندار ليگاسىنىڭ توپتىق كەزەڭٸنە شىققان ەكٸنشٸ قازاقستاندىق كلۋب اتاندى.
