ءقاۋىپتى ەسىرتكى زەرتحانالارى جويىلدى

ساعىنىش سارداروۆا 12 ءساۋ. 2024 12:43 2322

بيىل ءبىرىنشى توقساندا ۇلتتىق قاۋىپسىزدىك كوميتەتى ەسىرتكىنىڭ زاڭسىز اينالىمىنا قارسى ءىس-قيمىل بويىنشا 53 وپەراسيا، ونىڭ ىشىندە 16 وپەراسيانى شەت مەملەكەتتەردىڭ مۇددەلى قۇزىرەتتى ورگاندارىمەن بىرلەسە جۇرگىزدى، - دەپ حابارلايدى Dalanews.kz.

ءىس-شارالار قورىتىندىسى بويىنشا 18 حالىقارالىق جانە 9 ايماقتىق ەسىرتكى جەتكىزۋ ارناسى، سونداي-اق، 10 جاسىرىن ەسىرتكى زەرتحاناسىنىڭ قىزمەتى جويىلدى.

جالپى اينالىمنان 800 كەلىدەن اسا ەسىرتكى مەن پسيحوتروپ زاتتار، 4 توننا كوكنار سابانىنىڭ شيكىزاتى جانە سينتەتيكالىق ەسىرتكى جاساۋ ءۇشىن پايدالانىلاتىن 10 توننادان اسا حيميالىق رەاگەنتتەر الىندى.

الىنعان ەسىرتكى قۇنى "قارا نارىقتا" 5 ميلليارد تەڭگەدەن اسا باعالانادى، ال اينالىمعا جىبەرىلمەگەن كولەم شامامەن 4 ميلليون ءبىر رەتتىك دوزا بولادى.

ۇقك حالىقارالىق ەسىرتكى اينالىمىنا قاتىسى بار دەگەن كۇدىك بويىنشا 72 قازاقستان ازاماتى مەن شەتەلدىككە قاتىستى سوتقا دەيىنگى تەرگەپ تەكسەرۋلەر جۇرگىزىپ جاتىر.


ۇسىنىلعان
سوڭعى جاڭالىقتار