Biyl birinshi toqsanda Ulttyq qaýipsizdik komiteti esirtkiniń zańsyz ainalymyna qarsy is-qimyl boiynsha 53 operatsiia, onyń ishinde 16 operatsiiany shet memleketterdiń múddeli quzyretti organdarymen birlese júrgizdi, - dep habarlaidy Dalanews.kz.
Is-sharalar qorytyndysy boiynsha 18 halyqaralyq jáne 9 aimaqtyq esirtki jetkizý arnasy, sondai-aq, 10 jasyryn esirtki zerthanasynyń qyzmeti joiyldy.
Jalpy ainalymnan 800 keliden asa esirtki men psihotrop zattar, 4 tonna kóknár sabanynyń shikizaty jáne sintetikalyq esirtki jasaý úshin paidalanylatyn 10 tonnadan asa himiialyq reagentter alyndy.
Alynǵan esirtki quny "qara naryqta" 5 milliard teńgeden asa baǵalanady, al ainalymǵa jiberilmegen kólem shamamen 4 million bir rettik doza bolady.
UQK halyqaralyq esirtki ainalymyna qatysy bar degen kúdik boiynsha 72 Qazaqstan azamaty men sheteldikke qatysty sotqa deiingi tergep tekserýler júrgizip jatyr.
