«قازاقمىس» كورپوراسياسىندا Q.I. Satbaev atyndagy Jezqazgan tau-ken ondirisi وڭتۇستىك جەزقازعان، شىعىس جەزقازعان كەنىشتەرىنىڭ جانە «باتىس» كەنىشىنىڭ ەڭبەك ۇجىمىمەن جۇمىس كەزدەسۋى ءوتتى. كوشپەلى كەڭەستى باسقارما ءتوراعاسىنىڭ ءوندىرىس جونىندەگى ورىنباسارى سايات باكيروۆ وتكىزدى، دەپ حابارلايدى Dalanews.kz.
كەزدەسۋدە ەڭبەك قاۋىپسىزدىگى، ينۆەستيسيا جانە وندىرىستىك الەۋەتتى ارتتىرۋ ماسەلەلەرى تالقىلاندى. ۇجىمعا كومپانيانىڭ جانە كومپانياعا قاتىسى بار ايماقتاردىڭ بولاشاقتاعى دامۋ ستراتەگياسى تانىستىرىلدى.
ەڭبەكتى قورعاۋ جانە ونەركاسىپتىك قاۋىپسىزدىك ماسەلەلەرىنە ەرەكشە نازار اۋدارىلدى. قازىرگى وندىرىستىك تاۋەكەلدەر مەن ولاردى ازايتۋ شارالارى قاراستىرىلدى. قاۋىپسىزدىكتى باسقارۋ ءۇشىن جۇيەلى جانە ۇجىمدىق ارەكەت، سونداي-اق ءاربىر جۇمىسشىنىڭ جەكە جاۋاپكەرشىلىگى تالاپ ەتىلەدى. بۇل قاعيدالار 2026 جىلى كومپانيادا جۇزەگە اسىرىلىپ جاتقان جاڭارتىلعان وندىرىستىك قاۋىپسىزدىك جانە ەڭبەكتى قورعاۋ ستراتەگياسىندا بەكىتىلگەن.
جەزقازعان ءوڭىرىنىڭ كەنىشتەرى جىلدى وڭ ديناميكامەن باستاعانى اتاپ ءوتىلدى. بۇعان وتكەن جىلدىڭ سوڭىندا جابدىقتارعا جۇرگىزىلگەن اۋقىمدى جوندەۋ جۇمىسى ىقپال ەتتى.
گەولوگيالىق بارلاۋ سالاسىنا باسىمدىق بەرىلدى. 2026 جىلعا ارنالعان ينۆەستيسيا ماقۇلداندى. اتاپ ايتقاندا، شامامەن 78 مىڭ قۋما مەتر كولەمىندە جەر ءۇستى بۇرعىلاۋ جۇمىسىن جۇرگىزۋ جوسپارلانعان. بۇل 90 جىلدان استام ۋاقىت بويى يگەرىلىپ كەلە جاتقان جەزقازعان كەن ورنىنداعى سارقىلعان وندىرىستىك قۋاتتى تولىقتىرۋعا جانە جاڭا قورلاردى اشۋعا مۇمكىندىك بەرەدى.
2026-2027 جىلدارى وڭتۇستىك جەزقازعان، شىعىس جەزقازعان جانە باتىس كەنىشتەرىندە جەر ءۇستى ينجەنەرلىك كوممۋنيكاسيالارىن اۋىستىرۋ قاراستىرىلدى. بۇل شامامەن 7 ملن توننا كەندى يگەرۋگە مۇمكىندىك بەرىپ، گەومەحانيكالىق جاعدايدى تۇراقتاندىرۋعا جاعداي جاسايدى.
سونىمەن قاتار وندىرىستىك قۋاتتى قولداۋ مەن دامىتۋعا ارنالعان ينۆەستيسيالىق پاكەت ماقۇلداندى. قاراجات تاۋ-كەن شاحتالىق تەحنيكا پاركىن جاڭارتۋعا باعىتتالادى. 40 وزدىگىنەن جۇرەتىن تەحنيكا ساتىپ الۋ جوسپارلانىپ وتىر، سونداي-اق قولدانىستاعى ماشينالار مەن ستاسيونارلىق جابدىقتاردى جوندەۋ جانە جاڭعىرتۋ كوزدەلگەن. جومارت، جىلاندى جانە نۇرقازعان كەنىشتەرىندە كۇردەلى تاۋ-كەن جۇمىسىن جۇرگىزۋ جوسپارلانۋدا.
كەزدەسۋ سوڭىندا جۇمىسكەرلەر جەر استىنداعى راديوبايلانىستى جاڭارتۋ، وزدىگىنەن جۇرەتىن جانە رەلستىك كولىكتەردى جاڭعىرتۋ، سونداي-اق بۇرعىلاۋ جابدىعىن جوندەۋ ماسەلەلەرىن كوتەردى. ۇسىنىستاردىڭ ءبىر بولىگى ينۆەستيسيالىق باعدارلاما اياسىندا جۇزەگە اسىرىلاتىن بولدى، ال جەكەلەگەن ماسەلە بويىنشا شەشىم تەحنيكالىق اۋديت قورىتىندىسى بويىنشا قابىلدانادى.
