تۇركىستان وبلىسى تولەبي اۋدانىنداعى وبلىستىق ماڭىزى بار كح-93 «قاسقاسۋ-كەڭەسارىق-مايبۇلاق» اۆتوموبيل جولىنىڭ 1،65 شاقىرىمى جوندەۋدەن وتكىزىلىپ، پايدالانۋعا بەرىلدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

جوندەۋ جۇمىستارى بارىسىندا ەسكى اسفالت جابىندىسى تولىقتاي جاڭارتىلىپ، ءقاۋىپتى ايماقتارعا 250 مەتر قاشىقتىقتا ارنايى تەمىر جولاقتار ورناتىلدى. سونداي-اق، ەلدىمەكەننىڭ ىشىنە 2 جاقتاما اياقجول سالىنىپ، 55 دانا جارىقتاندىرۋ شامدارىمەن قامتاماسىز ەتىلدى.

وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ تاپسىرىسىمەن جوندەۋ جۇمىستارىن مەردىگەر «دوستىق سپەس ترانس» ج ش س جۇرگىزگەن. اتقارىلعان جۇمىستاردىڭ ساپاسى ءتيىستى مەكەمە تاراپىنان تۇراقتى باقىلاۋدا بولدى.