Túrkistan oblysy Tólebı aýdanyndaǵy oblystyq mańyzy bar KH-93 «Qasqasý-Keńesaryq-Maıbulaq» avtomobıl jolynyń 1,65 shaqyrymy jóndeýden ótkizilip, paıdalanýǵa berildi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Jóndeý jumystary barysynda eski asfált jabyndysy tolyqtaı jańartylyp, qaýipti aımaqtarǵa 250 metr qashyqtyqta arnaıy temir jolaqtar ornatyldy. Sondaı-aq, eldimekenniń ishine 2 jaqtama aıaqjol salynyp, 55 dana jaryqtandyrý shamdarymen qamtamasyz etildi.

Oblystyq jolaýshylar kóligi jáne avtomobıl joldary basqarmasynyń tapsyrysymen jóndeý jumystaryn merdiger «Dostyq Spes Trans» JSHS júrgizgen. Atqarylǵan jumystardyń sapasy tıisti mekeme tarapynan turaqty baqylaýda boldy.