قاسكەلەڭدە تامادا ايەلى مەن قايىن ەنەسىن قۋىپ ءجۇرىپ ساباعان، دەپ حابارلايدى Dalanews.kz.
پوليسيانىڭ مالىمەتىنشە، 25 قاڭتارعا قاراعان ءتۇنى قاسكەلەڭدە 31 جاستاعى ەر ادام تۇرمىستىق جانجال كەزىندە جۇبايىن ۇرىپ-سوعىپ، ونىڭ اناسىنا دا دەنە جاراقاتىن كەلتىرگەن. سونداي-اق، كۇدىكتى ءۇيدىڭ تەرەزەلەرىن جانە كولىكتى بۇلدىرگەن.
قالادا ءىس-شارا جۇرگىزۋشىسى رەتىندە تانىلعان ەر ادام ايەلىمەن اجىراسىپ جاتقانى بەلگىلى بولدى.
الماتى وبلىسىنىڭ پوليسيا دەپارتامەنتى بۇل وقيعانى راستادى. كۇدىكتى ۇستالىپ، ۋاقىتشا ۇستاۋ يزولياتورىنا قامالعان.
"بۇل دەرەك بويىنشا ق ر قىلمىستىق كودەكسىنىڭ ەكى بابى بويىنشا قىلمىستىق ىستەر تىركەلدى. ءقازىر تەرگەۋ امالدارى جۇرگىزىلىپ جاتىر، ونىڭ ناتيجەسى بويىنشا كۇدىكتىنىڭ ارەكەتتەرىنە قۇقىقتىق باعا بەرىلەدى"، - دەدى پوليسيا.
