بۇگىن حاسان قاسىمبايەۆتىڭ ءوزى مەن سىبايلاستارى سوتتالدى، دەپ حابارلايدى Dalanews.kz.
تالعار اۋدانى سوتى مالىمەتىنشە، ق.ح. باسقا سوتتالۋشىلارمەن الدىن الا ءسوز بايلاسىپ، ا.-عا كۇش قولدانىپ، شابۋىل ۇيىمداستىرعان. ايىپتالۋشىلار ق.، اق.، ال.، اس.، س. جابىرلەنۋشى ا.-نى كۇشتەپ كولىككە وتىرعىزىپ، ەلدى مەكەننەن تىس جەرگە اپارىپ، سوققىعا جىققان.
سالدارىنان جابىرلەنۋشىگە اۋىر جاراقات سالعان. بۇدان بولەك، سوت مالىمەتىنشە، ق.ح. باسقالارمەن بىرگە ازامات ت.-دان 1 000 000 تەڭگە كولەمىندەگى قاراجاتتى كۇش قولدانا وتىرىپ، قورقىتىپ العان.
ايىپتالۋشىلاردىڭ كىناسى جابىرلەنۋشىلەردىڭ ايعاعىمەن، وقيعا بولعان جەردى قاراۋ حاتتامالارىمەن، بەتتەستىرۋ ناتيجەسىمەن جانە ساراپتاما قورىتىندىلارىمەن دالەلدەنگەن.
سوت مىناداي ۇكىم شىعاردى:
- ق.ح. ۇيىمداستىرۋشى رەتىندە 12 جىلعا باس بوستاندىعىنان ايىرىلدى؛
- ق. بۇرىن اۋىر قىلمىس (بۇزاقىلىق) ءۇشىن سوتتالعانىن ەسكەرە وتىرىپ، 9 جىل 6 ايعا باس بوستاندىعىنان ايىرىلدى؛
- اق. بۇرىن اۋىر قىلمىس (بۇزاقىلىق) ءۇشىن سوتتالعانىن ەسكەرە وتىرىپ، 8 جىل 6 ايعا باس بوستاندىعىنان ايىرىلدى؛
- س. بۇرىن اسا اۋىر قىلمىس (كىسى ءولتىرۋ) ءۇشىن سوتتالعانىن ەسكەرە وتىرىپ، 22 جىلعا باس بوستاندىعىنان ايىرىلدى؛
- ال. جانە اس. 8 جىلعا باس بوستاندىعىنان ايىرىلدى.
ۇكىم زاڭدى كۇشىنە ەنگەن جوق.
