قاسىم-جومارت توقاەۆ قازاقستان حالقىنا شۇعىل ٷندەۋ جاسادى
ەلٸمٸزدەگٸ احۋال ٶتە كٷردەلٸ.
مەنٸڭ وسىعان دەيٸن جاساعان بٸرنەشە ٷندەۋٸمە قاراماستان ٶزدەرٸن «ەرەۋٸلشٸلەر» دەپ اتايتىن ادامدار توبى قاساقانا تٷردە جاعدايدى ۋشىقتىرىپ وتىر. ەلٸمٸزدٸڭ تەڭ جارتىسىنا جۋىعىندا قاقتىعىستار ورىن الۋدا. ەسٸرەسە, الماتىداعى احۋال ٶتە كٷردەلٸ.
بٸزدٸڭ سٷيٸكتٸ قالامىزدا قۇقىق قورعاۋ قىزمەتكەرلەرٸنە جاپپاي شابۋىل جاسالىپ جاتىر. ولاردىڭ اراسىندا قازا تاپقاندار مەن جارالانعاندار بار. بۇزاقى توپتار ەسكەري قىزمەتشٸلەردٸ ۇرىپ-سوعىپ, كٶشەگە جالاڭاش شىعارىپ, مازاققا اينالدىرۋدا. ەيەلدەردٸ زورلاپ, دٷكەندەردٸ توناپ جاتىر.
بۇل جاعداي الماتىنىڭ بارلىق تۇرعىنىنا قاۋٸپ تٶندٸرٸپ وتىر. بۇعان تٶزۋگە بولمايدى. الماتىدان باسقا كەيبٸر وبلىس ورتالىقتارىندا دا جاعداي ۋشىعىپ تۇر. وسىعان بايلانىستى بٸرقاتار ٶڭٸردە تٶتەنشە جاعداي ەنگٸزدٸم. بۇل – قاجەتتٸ شارا.
پرەزيدەنت رەتٸندە, مەن, ازاماتتارىمىزدىڭ قاۋٸپسٸزدٸگٸ مەن تىنىشتىعىن قورعاۋعا, قازاقستاننىڭ تۇتاستىعىنا الاڭداۋعا مٸندەتتٸمٸن. مەنٸڭ قابىلداعان شارالارىم كٶپ ۇلتتى قازاقستاننىڭ يگٸلٸگٸنە باعىتتالعان. الايدا بۇل شارالار جەتكٸلٸكسٸز بولىپ تۇر.
بۇزاقى توپتاردىڭ ەرەكەتتەرٸ جوعارى دەڭگەيدە ۇيىمداستىرىلعانىن كٶرٸپ وتىرمىز. بۇل قارجىلاندىرىلعان بٷلٸكشٸلەردٸڭ جان-جاقتى ويلاستىرىلعان جوسپارى ەكەنٸن دەلەلدەيدٸ. بۇل – قاسكٶيلەردٸڭ قيتۇرقى ەرەكەتٸ.
سوندىقتان مەملەكەت باسشىسى جەنە بٷگٸننەن باستاپ قاۋٸپسٸزدٸك كەڭەسٸنٸڭ تٶراعاسى رەتٸندە بارىنشا قاتاڭ ەرەكەت ەتەمٸن. بۇل – ٶمٸرٸن قورعاپ قالۋعا ٶتٸنٸش بٸلدٸرگەن كٶپتەگەن ازاماتىمىزدىڭ قاۋٸپسٸزدٸگٸنە قاتىستى مەسەلە.
بۇل – مەملەكەتٸمٸزدٸڭ قاۋٸپسٸزدٸگٸنە تٸكەلەي قاتىستى. حالىق مەنٸ قولدايتىنىنا سەنٸمدٸمٸن. قانداي جاعداي بولسا دا مەن ەلوردادا بولامىن. حالىقپەن بٸرگە بولۋ – مەنٸڭ كونستيتۋتسييالىق مٸندەتٸم.
بٸز جۇمىلا وتىرىپ, قازاقستان تاريحىنداعى وسى سىن ساعاتتى بٸرگە ەڭسەرەمٸز. بۇدان شىڭدالىپ شىعامىز. جۋىردا قازاقستاندى ساياسي ترانسفورماتسييالاۋ جٶنٸندەگٸ جاڭا ۇسىنىستارىمدى جارييالايمىن. مەن دەيەكتٸ رەفورمالاردى بۇرىنعىداي جالعاستىرا بەرەمٸن.
قۇقىق قورعاۋ ورگاندارى مەن ەسكەري قىزمەتشٸلەرگە ەرەكشە العىس بٸلدٸرەمٸن. ولار قارۋلى توپتاردىڭ سوققىسىنا كەۋدەسٸن توستى. ٶكٸنٸشكە قاراي قازا تاپقاندار دا بار. مەرت بولعان ازاماتتاردىڭ وتباسىلارىنىڭ قايعىسىنا ورتاقتاسىپ, كٶڭٸل ايتامىن.
قۇرمەتتٸ دوستار!
بارشاڭىزعا شىن جٷرەكتەن امانشىلىق تٸلەيمٸن.
حالقىمىز قۇبىلمالى كەزەڭگە تاپ بولدى.
دانا حالقىمىز قيىنشىلىقتاردىڭ بەرٸن مٸندەتتٸ تٷردە ەڭسەرەدٸ. مەن بۇعان كەمٸل سەنەمٸن.
بٸرگە بولايىق!
2022 جىلعى 05 قاڭتار
