تالاپكەرگە جول تٶسەۋدٸ تالاپ كەتكەن اۋىل تۇرعىندارى ەلەمجەلٸ ارقىلى ٷندەۋ جاساپ, 2018 جىلى باستالعان جول قۇرىلىسىنىڭ سول كٷيٸ اياقسىز قالعانىن ايتتى دەپ حابارلايدى Dalanews.kz.
"جولدى جٶندەيمٸز دەگەلٸ ٷش جىل ٶتتٸ. تٶزٸمٸمٸز تاۋسىلدى. جولدىڭ جىرى ەلٸ بٸتكەن جوق. اۋدان ەكٸمٸ كٶكتەمدە بۇل ٸسكە قوسىمشا 800 ملن باعىتتايمىز دەپ ۋەدە بەرگەن. جاز بٸتٸپ, كٷز كەلدٸ, قىستىڭ كٶزٸ قىراۋدا. ۋەدە ۇمىت قالدى", – دەيدٸ جولدىڭ جاعدايىنا بەي-جاي قارامايتىن بەلسەندٸ تۇرعىندار.
ولاردىڭ ايتۋىنشا جەرگٸلٸكتٸ بيلٸك بۇل مەسەلەنٸ سوڭعى ٷش جىل بويىنا ساعىزشا سوزىپ كەلەدٸ. جولدى اياقتاۋعا جەتەرلٸك قارجى تاپشى. كٶكتەم مەن كٷزدە كٶلٸك بٸتكەن باتپاققا باتىپ, اۋىل تۇرعىندارى جولسىزدىقتىڭ ازابىن شەگەدٸ.
ال بيۋدجەتتٸك كوميسسييا تالاپكەر اۋىلىنداعى جولدى تولىق اياقتاۋعا جەتەرلٸك 800 ملن تەڭگە قوسىمشا قارجى بٶلۋ مەسەلەسٸن قۇپتاماي قويعان.
"بۇل قاراجاتتى مەردٸگەرلەرگە تٶلەپ بەرسٸن. جول جٶندەۋدٸ BI Group-كە قاراستى "اۆتودور-نس" مٸندەتٸنە العان. بٸز ەكٸ اي بۇرىن ولاردىڭ الدىنان ٶتتٸك, ولار جولدى بٸتٸرٸپ بەرۋگە قۇلىقتى, قازٸر ولار قالتاسىنان قارجى شىعارىپ, اۋىل جولىنىڭ جىرتىق-تەسٸگٸن جاماۋدا. الايدا ولاردىڭ بيۋدجەتٸ شەكتەۋلٸ", – دەيدٸ اۋىل تۇرعىنى امانگەلدٸ مۇراتوۆ.
اۋىل بەلسەندٸلەرٸ جولعا بٶلٸنگەن قاراجاتتىڭ قايدا جۇتىلىپ كەتكەنٸن انىقتاۋدى تالاپ ەتۋدە. تۇتاستاي العاندا جىل اياعىنا جەتپەي تٷگەسٸلٸپ قالاتىن اۋدان بيۋدجەتٸنٸڭ قالاي يگەرٸلەتٸنٸن بٸلگٸسٸ كەلەدٸ.
"شىدامنىڭ دا شەگٸ بار. جولدىڭ زاردابىن تارتىپ بولدىق. ۋەدەلٸ اقشانى بٶلٸپ, ٸستٸ اياعىنا دەيٸن جەتكٸزٸڭدەر. رەسپۋبليكالىق كوميسسييا جول قۇرىلىسىنا بٶلٸنگەن اقشانىڭ ماقساتتى جۇمسالۋىن نەگە باقىلامايدى? ونىڭ ارجاعىنداعى قارجى مينيسترلٸگٸ, بيۋدجەتتٸك كوميسسييا, مەمين ٷكٸمەتٸنە بازىنامىزدى ايتامىز. بۇلاي ٶمٸر سٷرۋ مٷمكٸن ەمەس! ٶتكەن عاسىردا ٶمٸر كەشەتٸن سەكٸلدٸمٸز. ادامعا بٸرٸنشٸ كەزەكتە قاجەتتٸ جول, سۋ, جارىقپەن قامتاماسىز ەتۋدٸ سۇرايمىز", – دەيدٸ تۇرعىندار.
Goszakup.kz سايتىنداعى مەلٸمەتتە "جول قۇرىلىسى بيىل بٸتٸپ, جەلتوقساننىڭ اياعىندا پايدالانۋعا بەرٸلەدٸ" دەلٸنگەن. تاپسىرىس بەرۋشٸ – تسەلينوگراد اۋدانىنىڭ "جولاۋشى تاسىمالى جەنە كٶلٸك جولدارى" باسقارماسى, جولدى كٷردەلٸ جٶندەۋدٸ ٶتكٸزۋدٸ "ابك-اۆتودور نس" كومپانيياسى موينىنا العان.
تالاپكەر اۋىلىنداعى جولدى كٷردەلٸ جٶندەۋدەن ٶتكٸزۋ تۋرالى كەلٸسٸمشارتقا 2019 جىلدىڭ مامىرىندا قول قويىلعان. سوعان ساي 4,17 ملرد قارجى بٶلۋ كٶزدەلگەن.
2019 جىلى بۇل ماقساتقا جەرگٸلٸكتٸ بيۋدجەتتەن 99 ملن 969 مىڭ تەڭگە, 2020 جىلى 2,3 ملرد تەڭگە جەنە بيىلعى جىلى 1,85 ملرد تەڭگە باعىتتالۋى تيٸس ەدٸ. الايدا اقشا ۋاقىتىلى تٶلەنبەگەن. ەزٸر مەردٸگەر كومپانييا تاراپىنان 314 ملن 900 مىڭ تەڭگەنٸڭ جۇمىسى اتقارىلعان.
ال تالاپكەر اۋىلىنىڭ تۇرعىندارى جىل باسىنان بەرٸ ەكٸنشٸ رەت نارازىلىق اكتسيياسىن ۇيىمداستىرۋعا مەجبٷر. شٸلدە ايىندا اۋىل بەلسەندٸلەرٸ اۋىز سۋدان تارىعىپ وتىرعانىن ايتىپ, ٷكٸمەتكە ٷندەۋ جولداعان ەدٸ.
بۇعان جاۋاپ قاتقان شەندٸلەر, ماگيسترالدى سۋ قۇبىرىنىڭ جوباسى ەزٸرلەنٸپ جاتقانىن ايتىپ, حالىقتى شىداي تۇرۋعا شاقىرعان ەدٸ.
