اقتٶبەدە بۇرىنعى جۇبايىن اتىپ ٶلتٸردٸ دەپ ايىپتالعان بۇرىنعى قارجى پوليتسيياسى قىزمەتكەرٸ تاير سارسەمبينگە قاتىستى سوت پروتسەسٸ جالعاسۋدا. پروكۋراتۋرا ونى ادام ٶلتٸرۋ, ۇرىپ-سوعۋ جەنە قورقىتۋ باپتارى بويىنشا ايىپتاپ وتىر, دەپ حابارلايدى dalanews.kz.
تەرگەۋ مەلٸمەتٸنشە, 47 جاستاعى تاير سارسەمبين بۇرىن قارجى پوليتسيياسىندا قىزمەت ەتكەن, كەيٸن «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ فيليالىندا قاۋٸپسٸزدٸك جٶنٸندەگٸ ۋەكٸل بولىپ جۇمىس ٸستەگەن.
ايىپتاۋ اكتٸسٸنە سەيكەس, ونىڭ قۇربانى – بۇرىنعى جۇبايى, 37 جاستاعى يۋلييا سارسەمبينا. ەيەلگە اڭشىلىق كارابيننەن جاقىن قاشىقتىقتان ەكٸ رەت وق اتىلعان. الدىن الا مەلٸمەت بويىنشا, وقيعا كەزٸندە ولاردىڭ 9 جاستاعى قىزى پەتەردٸڭ سىرتىندا بولعان. تەرگەۋ نۇسقاسىنا سەيكەس, ول اناسىنىڭ ايقايىن دا, وق اتىلعان دىبىستى دا ەستٸگەن.
سوتتا مارقۇمنىڭ ەكەسٸ ەۆگەنيي بوندارەنكو بۇرىنعى كٷيەۋ بالاسىنىڭ قىزى ٷشٸن قايتا تاتۋلاسۋعا تىرىسقانىن ايتتى. ونىڭ سٶزٸنشە, ەر ادام ەيەلٸنەن بٸرنەشە رەت كەشٸرٸم سۇراپ, قارىم-قاتىناستى قايتا باستاۋعا كٶندٸرگەن. وسىدان كەيٸن يۋلييا وعان قايتا سەنٸم ارتا باستاعان.
جەبٸرلەنۋشٸ تاراپ بۇل قىلمىس الدىن الا جوسپارلانعان دەپ ەسەپتەيدٸ. ولاردىڭ ايتۋىنشا, ايىپتالۋشى وقيعا بولعان كٷنٸ پەتەرگە قىزىن ەرتٸپ كەلٸپ, سول ارقىلى ٸشكە كٸرگەن. ادۆوكاتتاردىڭ پٸكٸرٸنشە, بالانىڭ اناسىنىڭ قازا تابۋىنا كۋە بولۋى وعان اۋىر پسيحولوگييالىق سوققى بولعان.
قازٸرگٸ تاڭدا قىزدىڭ قامقورلىعىن يۋلييانىڭ اتا-اناسى العان. ول رەسەيدە تۇرىپ جاتىر. سوتتا اتاسى نەمەرەسٸنٸڭ اناسىن قاتتى ساعىناتىنىن جەنە ەسٸكتٸ ەكەسٸنە ٶزٸ اشقانى ٷشٸن ٶزٸن كٸنەلايتىنىن ايتتى.
سوت بارىسىندا ايىپتالۋشىنىڭ تۋعان اعاسى مەن جەڭگەسٸ دە جاۋاپ بەردٸ. ولاردىڭ ايتۋىنشا, وقيعادان كەيٸن سارسەمبين قىزىن ٶز ٷيلەرٸنە الىپ كەلگەن. بالا جىلاپ كەلگەنٸمەن, ولار مۇنى ەكەسٸنٸڭ ۇرىسقانىنان دەپ ويلاعان. اناسىنىڭ قايتىس بولعانىن قىزعا كەلەسٸ كٷنٸ ۋاقىتشا ورنالاستىرۋ ورتالىعىندا پسيحولوگ حابارلاعان.
اقتٶبەنٸڭ مامانداندىرىلعان قىلمىستىق ٸستەر جٶنٸندەگٸ سوتىندا قارالىپ جاتقان ٸس بويىنشا سوت تەرگەۋٸ جالعاسىپ جاتىر.
