اسكەري بولىمىنەن قارۋ الىپ كەتكەن اسكەري قىزمەتشى ابىلاي بالعىنبايدى جانە ونىڭ ەكى سىبايلاسى – ازاماتتىق تۇلعالاردى ق ر ىشكى ىستەر مينيسترلىگىنىڭ جانە ۇلتتىق قاۋىپسىزدىك كوميتەتىنىڭ بىرلەسكەن جەدەل-تەرگەۋ توبى ۇستادى.
«ءتىنتۋ كەزىندە ولاردان ۇرلانعان قارۋ تاركىلەندى. تەرگەۋ سوتىنىڭ سانكسياسىمەن ۇستالعاندار قاماۋعا الىندى. سونىمەن قاتار، جەكەلەگەن لاۋازىمدى ادامداردىڭ، ونىڭ ىشىندە اسكەري ءبولىم باسشىلىعىنىڭ قىزمەتتىك مىندەتتەرگە نەمقۇرايلى قاراعانى ءۇشىن جاۋاپكەرشىلىگى تۋرالى ماسەلە قاراستىرىلۋدا. تەرگەۋ جالعاسۋدا»، - دەلىنگەن مالىمەتتە.
ەستەرىڭىزگە سالا كەتسەك، 20 اقپان كۇنى تۇركىستان وبلىسىندا اۋە قورعانىسى كۇشتەرىنىڭ اسكەري بولىمشەسىندە كەلىسىمشارت بويىنشا قىزمەت ەتىپ جۇرگەن كىشى سەرجانت ا.بالعىنباي كەزەكشىلىكتى ءوز بەتىمەن تاستاپ شىعىپ، بىرنەشە قارۋ-جاراقتى ۇرلاپ كەتكەن بولاتىن.
سول كۇنى ءىىم جانە ۇقك قىزمەتكەرلەرىنىڭ ارنايى جەدەل توبى اسكەري قىزمەتشىنى قولعا ءتۇسىردى. ىشكى ىستەر ءمينيسترى ەرلان تۇرعىمبايەۆ «اتالعان قارۋدان ەشكىمگە زالال كەلتىرىلمەگەنىن» اتاپ وتكەن بولاتىن.
