“ەگەر تاراپ جاتقان اقپارات راس بولسا، تۇرسىنبەك قاباتوۆتى ون جىلعا قاماۋ كەرەك! ەلدىڭ الدىندا اقىل ايتىپ، كەيىنگى كەزدە ۋاعىز ايتىپ جۇرگەن ادام مەملەكەتتىڭ ءبىلىم گرانتىن الاياقتىق جولمەن يگەرمەكشى بولعانى ءۇشىن قاتاڭ تۇردە جازالانۋى كەرەك!
ەلدەگى جەمقورلىقتى، سىبايلاستىق جويىلۋ كەرەك دەپ ازىلدەپ ءجۇرىپ ، ءوزى ءبىلىمدى قىزدى ساتىپ الىپ، قىزىنىڭ ورنىنا كىرگىزۋ بۇل ەندى بارىپ تۇرعان قىلمىس! زاڭ بارىنە ورتاق! تۇرسىنبەكتىڭ قىزىنىڭ كىناسى جوق، سەبەبى ول ون سەگىزگە تولماعان! كىنا ونىڭ اتا-اناسىندا، ياعني بۇكىل وتباسى مۇشەسى ءۇشىن جاۋاپ بەرەتىن وتاعاسىندا! ەلدەگى سىبايلاسقان جەمقورلىقتى اشىق تۇردە ايتىپ، جازالاعان كەزدە جويامىز!
بۇل جەردە الاياقتىق بابىمەن قوسا جالعان قۇجات جاساپ، ارام جولمەن مەملەكەتتىڭ قارجىسىن ياعني (گرانتتى) جەڭىپ الىپ، تالان تاراجعا سالماقشى بولعانى ناقتى كورىنىپ تۇر! بۇل ءىس جازاسىز قالماۋ كەرەك!”، – دەپ جازدى زاڭگەر جەلىدە.
قوعام بەلسەندىسى اقشا ءۇشىن اۋىر ارەكەتكە بارعان قىزدىڭ تاعدىرىنا الاڭداۋلى.
“ەلدىڭ الدىندا جۇرگەندەر جارنامالادى عوي، ولارعا زاڭ جوق پا؟”
اكىمدىك، پوليسيا، پروكۋراتۋرانىڭ الدىنا كەلىپ وزدەرىڭدى جاعام دەپ ويبايلاپ ادىلدىك ىزدەيسىڭدەر!
“نەعىپ وتىرسىڭ زاڭگەرسىڭ عوي، كومەك بەرمەيسىڭ بە؟” دەپ اۋىر ءسوز جازاسىڭدار! ەل الدىندا جۇرگەندەر زاڭ بۇزىپ، ولاردى جازالاۋ كەرەك دەپ جازساڭ، جاتا كەلىپ قورعايسىڭدار! لومبارد24، كۆەسترا سياقتى دۇنيەلەردى ەل الدىندا جۇرگەندەر جارنامالاپ حالىقتى قارىزعا تىعىپ، زار قاقساتقان جوق پا؟ سول كەزدە زاڭ قايدا، بيلىك قايدا دەپ ويبالاعاندارىڭدى ۇمىتتىڭدار ما؟
ەل الدىندا جۇرگەن تۇرسىنبەك تازا، سول تۇرسىنبەكتىڭ قىزىنا كومەكتەسكىسى كەلگەن كىشكەنتاي قىز قامالىپ كەتە بەرۋ كەرەك پە سوندا؟
ستۋدەنت قىز وقۋدان شىعارىلىپ، ءىس تەك سول كىرىپ شىققان قىزعا قوزعالعان. سوندا كىشكەنتاي قىزدىڭ ەشكىمى جوق ەكەن دەپ باسىنا بەرۋ كەرەك پە؟
ءبىلىمدى قىز ءوز ءبىلىمىن پايدالانىپ اقشا تاپقىسى كەلگەن ءۇشىن كىنالى بولسا، تۇرسىنبەك سول قىزدى ساتىپ الىپ مەملەكەتتى الداعانى ءۇشىن كىنالى. كەشىرەسىزدەر زاڭ بارىمىزگە ورتاق! ون جىل تىم كوپ ەمەس، الاياقتىق جاساعانى ءۇشىن كىشكەنتاي قىز جەتى جىل ارقالاپ كەتە بەرۋ كەرەك پە؟ مەنى ءدال ءقازىر كىرىپ شىققان ستۋدەنت قىزدىڭ تاعدىرى مازالاپ تۇر!”، – دەدى ايگۇل ورىنبەك.
ايتا كەتەيىك، قاباتوۆ قىزىنىڭ ورنىنا ۇبت تاپسىرۋعا وزگە قىزدى كىرگىزدى دەگەن اقپارات تارادى. پوليسيا وقيعاعا قاتىستى قىلمىستىق ءىس قوزعالعانىن ايتتى.
https://dalanews.kz/del-qazir/66589-tergeuge-qysym-korsetilude-ubt-dagy-a
