“Eger tarap jatqan aqparat ras bolsa, Tursynbek Qabatovty on jylǵa qamaý kerek! Eldiń aldynda aqyl aıtyp, keıingi kezde ýaǵyz aıtyp júrgen adam memlekettiń bilim grantyn alaıaqtyq jolmen ıgermekshi bolǵany úshin qatań túrde jazalanýy kerek!
Eldegi jemqorlyqty, sybaılastyq joıylý kerek dep ázildep júrip , ózi bilimdi qyzdy satyp alyp, qyzynyń ornyna kirgizý bul endi baryp turǵan qylmys! Zań bárine ortaq! Tursynbektiń qyzynyń kinási joq, sebebi ol on segizge tolmaǵan! Kiná onyń ata-anasynda, ıaǵnı búkil otbasy múshesi úshin jaýap beretin otaǵasynda! Eldegi sybaılasqan jemqorlyqty ashyq túrde aıtyp, jazalaǵan kezde joıamyz!
Bul jerde alaıaqtyq babymen qosa jalǵan qujat jasap, aram jolmen memlekettiń qarjysyn ıaǵnı (grantty) jeńip alyp, talan tarajǵa salmaqshy bolǵany naqty kórinip tur! Bul is jazasyz qalmaý kerek!”, – dep jazdy zańger jelide.
Qoǵam belsendisi aqsha úshin aýyr áreketke barǵan qyzdyń taǵdyryna alańdaýly.
“Eldiń aldynda júrgender jarnamalady ǵoı, olarǵa zań joq pa?”
Ákimdik, polısıa, prokýratýranyń aldyna kelip ózderińdi jaǵam dep oıbaılap ádildik izdeısińder!
“Neǵyp otyrsyń zańgersiń ǵoı, kómek bermeısiń be?” dep aýyr sóz jazasyńdar! El aldynda júrgender zań buzyp, olardy jazalaý kerek dep jazsań, jata kelip qorǵaısyńdar! Lombard24, Kvestra sıaqty dúnıelerdi el aldynda júrgender jarnamalap halyqty qaryzǵa tyǵyp, zar qaqsatqan joq pa? Sol kezde zań qaıda, bılik qaıda dep oıbalaǵandaryńdy umyttyńdar ma?
El aldynda júrgen Tursynbek taza, sol Tursynbektiń qyzyna kómekteskisi kelgen kishkentaı qyz qamalyp kete berý kerek pe sonda?
Stýdent qyz oqýdan shyǵarylyp, is tek sol kirip shyqqan qyzǵa qozǵalǵan. Sonda kishkentaı qyzdyń eshkimi joq eken dep basyna berý kerek pe?
Bilimdi qyz óz bilimin paıdalanyp aqsha tapqysy kelgen úshin kináli bolsa, Tursynbek sol qyzdy satyp alyp memleketti aldaǵany úshin kináli. Keshiresizder zań bárimizge ortaq! On jyl tym kóp emes, alaıaqtyq jasaǵany úshin kishkentaı qyz jeti jyl arqalap kete berý kerek pe? Meni dál qázir kirip shyqqan stýdent qyzdyń taǵdyry mazalap tur!”, – dedi Aıgúl Orynbek.
Aıta keteıik, Qabatov qyzynyń ornyna UBT tapsyrýǵa ózge qyzdy kirgizdi degen aqparat tarady. Polısıa oqıǵaǵa qatysty qylmystyq is qozǵalǵanyn aıtty.
https://dalanews.kz/del-qazir/66589-tergeuge-qysym-korsetilude-ubt-dagy-a
