تالدى اۋىلىنىڭ ۋچاسكەلٸك ينسپەكتورى قوعامدىق تەرتٸپتٸ قامتاماسىز ەتۋمەن قاتار, اۋىل جاستارىن سپورتقا باۋليتىن زال اشتى, دەپ حابارلايدى dalanews.kz.
تٷتٸنٸ تٷزۋ ۇشقان تالدى اۋىلىنىڭ تاريحى سوناۋ 1968 جىلدان باستاۋ الادى. بٷگٸندە مۇندا 500-دەن استام تۇرعىن تاتۋ-تەتتٸ عۇمىر كەشٸپ, نەگٸزٸنەن مال شارۋاشىلىعى مەن ەگٸنشٸلٸكتٸ كەسٸپ ەتٸپ وتىر. اۋىلداعى قوعامدىق قاۋٸپسٸزدٸكتٸ قامتاماسىز ەتٸپ, تۇرعىنداردىڭ تىنىشتىعىن كٷزەتٸپ جٷرگەندەردٸڭ بٸرٸ – شەت اۋداندىق پوليتسييا بٶلٸمٸنٸڭ ۋچاسكەلٸك پوليتسييا ينسپەكتورى, پوليتسييا كاپيتانى مۇحامەدقالي سادۋاقاسوۆ.
بۇل قىزمەت وعان جاي عانا جۇمىس ەمەس. ٶيتكەنٸ تالدى – ونىڭ كٸندٸك قانى تامعان تۋعان جەرٸ.
مۇحامەدقالي سادۋاقاسوۆ ٸشكٸ ٸستەر ورگاندارىنداعى ەڭبەك جولىن 2012 جىلى جىلدام قيمىلدايتىن ارنايى جاساق بٶلٸمٸنەن باستاعان. بيىل ناۋرىز ايىنان باستاپ تۋعان اۋىلىنا ۋچاسكەلٸك پوليتسييا ينسپەكتورى بولىپ ورالىپ, ەل تىنىشتىعىن قامتاماسىز ەتۋ ٸسٸنە بٸلەك سىبانا كٸرٸستٸ.
تۋعان جەرگە تۋىن تٸككەن تەرتٸپ ساقشىسى ەڭ الدىمەن اۋىلدىڭ احۋالىن زەردەلەپ, جەرگٸلٸكتٸ بيلٸك ٶكٸلدەرٸ جەنە اۋىل اقساقالدارىمەن بٸرلەسٸپ, قوعامدىق تەرتٸپتٸ نىعايتۋعا باعىتتالعان جۇمىستاردى قولعا الدى.
– اۋىلدىق جەردەگٸ باستى مەسەلەلەردٸڭ بٸرٸ – مال ۇرلىعىنىڭ الدىن الۋ. وسى باعىتتا جەرگٸلٸكتٸ اتقارۋشى بيلٸك ٶكٸلدەرٸمەن بٸرقاتار جۇمىستار اتقاردىق. قازٸرگٸ تاڭدا بۇل باعىتتاعى جۇمىس جولعا قويىلدى. سونىمەن قاتار اۋىل تۇرعىندارىنىڭ اۋىزبٸرشٸلٸگٸنٸڭ ارقاسىندا تالدى ٸشٸمدٸكسٸز اۋىل اتاندى, – دەيدٸ ۋچاسكەلٸك پوليتسييا ينسپەكتورى مۇحامەدقالي سادۋاقاسوۆ.
پوليتسييا كاپيتانىنىڭ ايتۋىنشا, اۋىلداعى تەرتٸپتٸڭ ساقتالۋى تەك قۇقىق بۇزۋشىلىقتىڭ الدىن الۋمەن شەكتەلمەيدٸ. ەسٸرەسە جاستاردىڭ بوس ۋاقىتىن تيٸمدٸ ۇيىمداستىرۋ – قاۋٸپسٸز قوعام قالىپتاستىرۋدىڭ ماڭىزدى تەتٸگٸ.
وسىنى ەسكەرگەن ۋچاسكەلٸك ينسپەكتور تالدى اۋىلدىق وكرۋگٸنٸڭ ەكٸمٸنە ۇسىنىس ايتىپ, بوس تۇرعان ٷيدٸ جاستاردىڭ سپورتپەن شۇعىلدانۋىنا ارنالعان جاتتىعۋ زالىنا اينالدىرۋدى قولعا العان.
ٶزٸ جاۋىنگەرلٸك سامبودان سپورت شەبەرٸ بولعان مۇحامەدقالي سادۋاقاسوۆ ەندٸ جيناعان تەجٸريبەسٸن اۋىل بالالارىنا ٷيرەتۋدٸ ماقسات ەتٸپ وتىر.
– ٶزٸم جاۋىنگەرلٸك سامبودان سپورت شەبەرٸمٸن. سوندىقتان بٸلگەنٸمدٸ جاستارعا ٷيرەتٸپ, ولاردىڭ بوس ۋاقىتىن تيٸمدٸ ٶتكٸزۋٸنە مٷمكٸندٸك جاساعىم كەلدٸ. بالا تەربيەسٸنە ارنالعان سپورت زالىن اشۋ – كٶپتەن بەرگٸ ارمانىم ەدٸ. بٷگٸندە سول ارمانىمدى جٷزەگە اسىرىپ جاتىرمىن. الداعى ۋاقىتتا وسى جەردەن ەلدٸڭ تىنىشتىعىن كٷزەتەتٸن, زاڭ مەن تەرتٸپتٸ تۋ ەتەتٸن جاستار شىقسا, ەڭبەگٸمنٸڭ اقتالعانى, – دەيدٸ ول.
جاڭا سپورت زالدىڭ اشىلۋ سالتاناتىنا قاراعاندى وبلىسى پوليتسييا دەپارتامەنتٸ مەن اۋداندىق پوليتسييا بٶلٸمٸنٸڭ باسشىلىعى, اۋدان ەكٸمٸ, اۋىل اقساقالدارى مەن تۇرعىندار قاتىستى.
تالدى اۋىلدىق وكرۋگٸنٸڭ ەكٸمٸ نۇرلان ابجانوۆ بۇل باستامانىڭ اۋىل جاستارى ٷشٸن ماڭىزى زور ەكەنٸن اتاپ ٶتتٸ.
– وسىدان ەكٸ-ٷش اي بۇرىن اۋىلدىڭ ۋچاسكەلٸك پوليتسييا ينسپەكتورى مۇحامەدقالي سادۋاقاسوۆ جاستاردى سپورتقا باۋلىپ, ولاردىڭ تالابىن ۇشتايتىن زال قاجەت ەكەنٸن ايتىپ, ۇسىنىس بٸلدٸردٸ. بٸز بۇل باستامانى قولدادىق. بٷگٸن سول جۇمىستىڭ نەتيجەسٸندە سپورت زالىن اشىپ وتىرمىز. بۇل – پوليتسييا تاراپىنان بالالاردىڭ بولاشاعىنا كٶرسەتٸلگەن ٷلكەن قولداۋ. وسى باستامانى جٷزەگە اسىرۋعا اتسالىسقان پوليتسييا بٶلٸمٸنٸڭ باسشىلىعىنا جەنە پوليتسييا دەپارتامەنتٸنە العىسىمدى بٸلدٸرەمٸن, – دەدٸ اۋىل ەكٸمٸ.
قىزمەت بابىندا جٷرٸپ, تالاي بايراقتى بەسەكەدە توپ جارعان تەرتٸپ ساقشىسىنىڭ ەندٸگٸ ماقساتى – ٶزٸ اشقان سپورت زالىندا جاتتىققان ەر بالانىڭ بيٸكتەن كٶرٸنۋٸ.
ال جاڭا زالدىڭ اشىلۋىنا كۋە بولعان اۋىل جاستارىنىڭ جٷزٸنەن قۋانىش پەن ٷمٸت بايقالدى.
– اۋىلىمىزعا مۇحامەدقالي اعامىز قىزمەت بابىمەن اۋىسىپ كەلگەلٸ بەرٸ تالدى ٸشٸمدٸكسٸز اۋىل اتاندى. بٷگٸن جاستارعا ارنالعان سپورت زالدىڭ اشىلىپ جاتقانىنا دا قۋانىپ وتىرمىز. وسىنداي باستامامەن اۋىلىمىزعا ەڭبەك ەتەتٸن ازاماتتار كٶپ بولسا ەكەن, – دەيدٸ اۋىل تۇرعىنى ايدار قاميەۆ.
تۋعان جەرٸنە قىزمەت ەتۋ – ەلگە قىزمەت ەتۋدٸڭ ەڭ بيٸك ٷلگٸسٸ. ال قوعامدىق تەرتٸپتٸ قامتاماسىز ەتۋدٸ جاستاردىڭ تەربيەسٸمەن ۇشتاستىرعان مۇحامەدقالي سادۋاقاسوۆ ٷشٸن پوليتسەيلٸك مٸندەت پەن ازاماتتىق پارىزدىڭ تٷيٸسەر تۇسى دا وسى.
