قاراعاندى وبلىسىنىڭ قارقارالى اۋدانىنداعى كٶكتاسجال مەن قىزىلشوقى كەن ورىندارىندا ينۆەستور اۋىستى. جەر قويناۋىن پايدالانۋ قۇقىعى استانا حالىقارالىق قارجى ورتالىعى يۋريسديكتسيياسىندا تٸركەلگەن قازاقستاندىق Altyndarا كومپانيياسىنا بەرٸلدٸ. بٸرنەشە جىل بويى توقىراۋدا تۇرعان جوبا ەندٸ جاڭا قارجىلىق مودەلمەن جەنە اۋقىمدى جوسپارلارمەن قايتا ٸسكە قوسىلماق, دەپ حابارلايدى Dalanews.kz.
ينۆەستور اۋىسقانعا دەيٸن كەن ورىندارىن «التاي پوليمەتالدارى» جشس يگەرٸپ كەلگەن, دەپ جازادى Ulysmedia.kz. الايدا سوڭعى جىلدارى كومپانييا تەرەڭ قارجىلىق داعدارىسقا تاپ بولدى. Inbusiness.kz مەلٸمەتٸنشە, 2024 جىلدىڭ قورىتىندىسى بويىنشا كومپانييانىڭ شىعىنى 18,2 ملرد تەڭگە بولعان, ال تابىسى 17%-عا تٶمەندەگەن. قىسقا مەرزٸمدٸ مٸندەتتەمەلەردٸڭ جالپى كٶلەمٸ 305 ملرد تەڭگەدەن اسىپ كەتكەن.
قارىزدىڭ نەگٸزگٸ بٶلٸگٸ جوبانى باستاپقى كەزەڭدە قارجىلاندىرعان ەۋروپالىق قايتا قۇرۋ جەنە دامۋ بانكٸ الدىنداعى مٸندەتتەمەلەردەن قۇرالعان. بەرەشەك 17,9 ملرد تەڭگەگە باعالانعان, ونىڭ ٷستٸنە ستراتەگييالىق اكتيۆتەر مەن جەر قويناۋىن پايدالانۋ قۇقىقتارى كەپٸلگە قويىلعان. بۇدان بٶلەك, APM Holding باس قۇرىلىمى مەن ٶزگە دە كرەديتورلار الدىنداعى قارىزدار, سونىڭ ٸشٸندە حالىقارالىق ينستيتۋتتار الدىنداعى مٸندەتتەمەلەر جاعدايدى كٷردەلەندٸرگەن. سونىڭ سالدارىنان تەۋەكەلٸ جوعارى ەرٸ كٷردەلٸ قارجىلىق قۇرىلىم قالىپتاسقان.
جاعدايدى سوت داۋلارى ودان ەرٸ ۋشىقتىردى. استانا حالىقارالىق قارجى ورتالىعى سوتى سينگاپۋر اربيتراجىنىڭ شەشٸمٸن مويىنداپ, وعان سەيكەس «التاي پوليمەتالدارى» جەنە ونىمەن بايلانىستى بايىتۋ فابريكاسى شامامەن 14 ملن دوللار ٶتەماقى مەن ايىپپۇل تٶلەۋگە مٸندەتتەلگەن.
مەسەلە تەك قارجىدا ەمەس ەدٸ. ەرتٷرلٸ كەزەڭدەردە تاۋ-كەن جۇمىستارىنىڭ توقتاۋى جەنە بايىتۋ فابريكاسىنىڭ جۇمىسىن دوعارۋى تٸركەلگەن. بۇعان ينفراقۇرىلىمنىڭ توزۋى مەن جاڭعىرتۋ قاجەتتٸلٸگٸ, سونىڭ ٸشٸندە قالدىق ساقتاۋ قويماسىنىڭ جاعدايى سەبەپ بولعان.
سونىمەن قاتار كەسٸپورىن جەرگٸلٸكتٸ تۇرعىنداردىڭ بٸرنەشە رەت شاعىمىنا ٸلٸككەن. كومپانييا تابيعاتتى قورعاۋ زاڭناماسىن بۇزعانى ٷشٸن جاۋاپكەرشٸلٸككە تارتىلىپ, بۇل جوباعا دەگەن سەنٸمدٸ ودان ەرٸ ەلسٸرەتكەن.
ەندٸ اكتيۆ Altyndarا كومپانيياسىنا ٶتتٸ. كومپانييا جوبانى تولىق قايتا جٷكتەۋدٸ جوسپارلاپ وتىر. الدىن الا مەلٸمەتتەر بويىنشا, دامۋ تەك كەن ٶندٸرۋمەن شەكتەلمەي, شيكٸزاتتى تەرەڭ ٶڭدەۋگە باعىتتالماق.
سونداي-اق جوبانى ماشينا جاساۋ جەنە اۆتوكٶلٸك ٶندٸرٸسٸ سيياقتى سالالارمەن بايلانىستى ٶندٸرٸستٸك تٸزبەكتەرگە ەنگٸزۋ قاراستىرىلۋدا. ياعني, كٶكتاسجالدى پروبلەمالى كەن ورنىنان يندۋسترييالىق كلاستەرگە اينالدىرۋ كٶزدەلٸپ وتىر.
ينۆەستور مىناداي اۋقىمدى جوسپارلارىن جارييا ەتتٸ: 500 ملن دوللاردان استام ينۆەستيتسييا سالۋ; تاۋ-كەن جۇمىستارىن كەڭەيتۋ; جاڭا كەن الاڭىن ٸسكە قوسۋ; قىزىلشوقى ۋچاسكەسٸندە تاۋ-كەن بايىتۋ كومبيناتىن سالۋ; 800-دەن استام جۇمىس ورنىن اشۋ.
باعالاۋ بويىنشا, كەن قورى 50 ملن توننادان اسادى, ونىڭ ٸشٸندە 500 مىڭ توننادان استامى - دەلەلدەنگەن مىس قورى.
جاڭا ينۆەستور ٷشٸن نەگٸزگٸ مٸندەت - ٶندٸرٸستٸ ٸسكە قوسۋدان گٶرٸ, جينالىپ قالعان پروبلەمالاردى شەشۋ. بۇل - قارىزدار, سوت مٸندەتتەمەلەرٸ جەنە, ەڭ باستىسى, جەرگٸلٸكتٸ تۇرعىنداردىڭ نارازىلىعىن تۋدىرعان ەكولوگييالىق تەۋەكەلدەر.
Altyndarا وسى «اۋىر مۇرانى» قالاي ەڭسەرەتٸنٸ كٶكتاسجالدىڭ شىن مەنٸندە تيٸمدٸ ٶندٸرٸستٸك جوباعا اينالا ما, ەلدە قازاقستاننىڭ تاۋ-كەن سالاسىنداعى تاعى بٸر سەتسٸز تەجٸريبە بولىپ قالا ما - سونى انىقتايدى.
