سالىق تٷسٸمٸ تۇرعىسىندا ايماقتارعا قاتىستى كٶزگە كٶرٸنە بەرمەيتٸن بٸر ەدٸلەتسٸزدٸك بار. زاڭدى تۇرعىدان بولسىن, بيۋدجەتتٸك جاعىنان بولسىن. وسىلاي دەگەن قارجىگەر-مامان راسۋل رىسمامبەتوۆ ەلٸمٸزدەگٸ ٶنەركەسٸپ كومپانييالارىن تٸركەلگەن ورنى ەمەس, جۇمىس ٸستەپ جاتقان جەرٸنە سالىق تٶلەۋدٸ مٸندەتتەۋدٸ ۇسىنادى, دەپ جازادى Dalanews.kz.
مەسەلەن, استانادا "سامۇرىق-قازىنا" ۇلتتىق ەل-اۋقات حولدينگٸ تٸركەلگەن, ياعني ول وسى ارادا سالىق تٶلەيدٸ. بارلىق دەرلٸك بانكتەر - الماتىدا. تيٸسٸنشە سالىقتار وسىندا تٷسەدٸ. وسى جاعىنان العاندا, بٸزدە دونور ٷش ٶڭٸر بار: الماتى, اتىراۋ وبلىسى جەنە استانا, قالعاندارى رەسپۋبليكالىق بيۋدجەتكە يەك ارتادى. مۇنى ٷكٸمەت ەر كەز ٶڭٸرلەر ەسٸنە سالىپ وتىرادى. ترانسفەرتتەر بٶلگەن سايىن "ارامتاماقتار" دەگەن سٶزدٸ ەستٸگەن كٸمگە جاقسى دەيسٸز?
بۇل ارادا مەسەلە پرەزيدەنت, ٷكٸمەت باسشىسى, ٷكٸمەت نەمەسە پرەزيدەنت ەكٸمشٸلٸگٸندە دە ەمەس. مەسەلە ەردايىم ٶكتەمدٸك ەتكٸسٸ كەلٸپ تۇراتىن مەملەكەتتٸك اپاراتتىڭ ٶزٸندە. وسىلاي تٶبەڭنەن دٸكەڭدەپ تۇرعاندا جەرگٸلٸكتٸ بيلٸك باستاماشىلىق قابٸلەتٸنەن ايىرىلىپ, ٶزٸنشە ويلاۋعا دا مۇرشاسى بولماي جاتاتىنى زاڭدى. جالپى, ورتالىقسىزداندىرۋ دەگەن كٶپ ايتىلاتىن تەرميننٸڭ بٸرٸ.
قارجىگەر راسۋل رىسمامبەتوۆ, مٸنە, وسى مەسەلە شەشٸمٸن سالىقتان باستاۋ كەرەك ەكەنٸن ايتادى. ٶيتكەنٸ كٷشتٸ ٶڭٸر كٷشتٸ مەملەكەتتٸڭ تولىققاندى بٶلٸگٸ بولىپ تابىلادى.
ونىڭ پٸكٸرٸنشە, اتالعان ٷش ٶڭٸر بٷكٸل ەلدٸ اسىراپ وتىر دەۋ جاڭساقتىق.
"ٸس جٷزٸندە بٸزدە دونور ايماقتار كٶپ. بۇل ارادا مىنانداي بٸر قيسىنسىز جاعداي بار. مۇنىڭ بەرٸ زاڭدى تۇلعالاردىڭ قاي جەردە تٸركەلگەنٸنە بايلانىستى. سالىقتار بٸزدە ناقتى قىزمەت ورنى ەمەس, تٸركەۋ ورنىنا قاراي تٶلەنەدٸ. الماتى مەن استانا بيۋدجەتٸ شاعىن جەنە ورتا بيزنەس ەسەبٸنەن, سونداي-اق الماتىنٸكٸ سول جەردە تٸركەلگەن بانكتەر مەن مۇناي كومپانييالارى ەسەبٸنەن قوسىمشا تولىقتىرىلادى. اتىراۋدا مۇناي-گاز سەكتورىنىڭ ارقاسىندا. استانادا سالىق تٶلەۋدە كۆازيمەملەكەتتٸك كومپانييالار دا ماڭىزدى رٶل اتقارادى. ەگەر قىزىلوردا جەنە ماڭعىستاۋ وبلىستارىندا جۇمىس ٸستەيتٸن مۇناي كومپانييالارى مۇناي ٶندٸرۋ ورنى بويىنشا سالىق تٶلەيتٸن بولسا, وندا جاعداي باسقاشا بولار ەدٸ. ال ولار قازٸر تٸركەلگەن ورنى - الماتىعا, استاناعا سالىق تٶلەيدٸ. ياعني, مۇنداي جاعدايدا دونور ٶڭٸرلەر ەلدەقايدا كٶپ بولاتىن ەدٸ", - دەيدٸ ول.
