شەرزات بولات تاراپىنىڭ ادۆوكاتى مەيٸرمان شەكەەۆ بٷگٸنگٸ سوت وتىرىسىندا وقىلعان ايىپتاۋ اكتٸنە قاتىستى ويىن ايتتى, دەپ حابارلايدى Dalanews.kz.
"قارجاۋباي ايىپتاۋ اكتٸن بٷگٸن عانا ەستٸپ وتىر. قارجاۋبايدى تەرگەۋ اياقتالعان كەزدە ٸس ماتەريالدارىمەن تانىستىرمادى. سوندىقتان ونىڭ پٸكٸرٸن ايتا المايمىز. ادۆوكاتتار بٸر نەرسەمەن كەلٸسپەيمٸز. ونى سوتتا ايتامىز. قازٸر ايتا المايمىز. قالعان ايىپتاۋ اكتٸمەن كەلٸسەمٸز", دەيدٸ ادۆوكات.
ەسكە سالايىق, بٷگٸن تالدىقورعاندا شەرزات ٸسٸ بويىنشا الدىن الا سوت تىڭداۋى ٶتتٸ.
“سوت وتىرىسىنا قاتىسۋشىلاردىڭ پٸكٸرلەرٸن ەسكەرە وتىرىپ, سوت بۇل ٸس بويىنشا سوت تالقىلاۋىن اشىق رەجيمدە ٶتكٸزۋ تۋرالى شەشٸم قابىلدادى”, — دەدٸ جوعارعى سوت.
ترانسلياتسييا جوعارعى سوتتىڭ YouTube ارناسىندا ٶتتٸ.
ايتا كەتەيٸك, بۇعان دەيٸن جوعارعى سوت شەرزات بولات ٸسٸ بويىنشا سوت وتىرىسى نەلٸكتەن جەتٸسۋ وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ عيماراتىندا ٶتەتٸنٸن تٷسٸندٸرگەن ەدٸ.
“ايىپ تاعىلعان توعىز ادام تالدىقورعانداعى تەرگەۋ يزولياتورىندا قاماۋدا وتىر. سوعان بايلانىستى سوت وتىرىسى جەتٸسۋ وبلىسىندا ٶتەدٸ”, — دەدٸ ولار.
