قاراعاندى وبلىسىندا بيىلعى ەگٸن جيناۋ ناۋقانى بارىسىندا شامامەن 1 ملن گەكتار استىقتى جيناۋ جوسپارلانىپ وتىر, دەپ حابارلايدى dalanews.kz.
ٶڭٸردە ەگٸن جيناۋ جۇمىستارىنا شامامەن 2 مىڭ كومباين جەنە 9 مىڭنان استام اۋىل شارۋاشىلىعى تەحنيكاسى دايىندالۋدا. قازٸرگٸ ۋاقىتتا تەحنيكانىڭ دايىندىق جۇمىستارى اياقتالۋعا جاقىن.
اۋىل شارۋاشىلىعى تەحنيكاسىنىڭ ەگٸستٸككە جاپپاي شىعۋى قىركٷيەك ايىنىڭ باسىندا كٷتٸلەدٸ.
بيىلعى استىق القاپتارىنىڭ نەگٸزگٸ بٶلٸگٸن, شامامەن 760 مىڭ گەكتاردى, بيداي قۇرايدى. بۇدان بٶلەك, شارۋالار ارپا, سۇلى جەنە مايلى داقىلداردى جينايدى.
سونداي-اق 16 مىڭ گەكتاردان كارتوپ, 2 مىڭ گەكتاردان كٶكٶنٸس جيناۋ جوسپارلانعان.
كٷردەلٸ اۋا رايى جاعدايىنا قاراماستان, ەگٸستٸكتٸڭ باسىم بٶلٸگٸ جاقسى جەنە قاناعاتتانارلىق جاعدايدا. اۋىل شارۋاشىلىعى ٶندٸرۋشٸلەرٸنٸڭ نەگٸزگٸ مٸندەتٸ – ەگٸن جيناۋ جۇمىستارىن بەلگٸلەنگەن مەرزٸمدە اياقتاۋ.
جۇمىستاردى جٷرگٸزۋ ٷشٸن ٶڭٸرگە 19,3 مىڭ توننا جەڭٸلدەتٸلگەن ديزەل وتىنى بٶلٸندٸ.
جينالعان ٶنٸمدٸ ساقتاۋ ٷشٸن وبلىستا جالپى سىيىمدىلىعى 1,438 ملن توننا بولاتىن استىق قويمالارى بار. كارتوپ پەن كٶكٶنٸستەردٸ ساقتاۋعا ارنالعان 143 قويمانىڭ جالپى سىيىمدىلىعى 350 مىڭ توننادان اسادى.
سونىمەن قاتار «كەڭ دالا» جەنە «كەڭ دالا 2» باعدارلامالارى اياسىندا اگرارلىق كرەديتتٸك كورپوراتسييا ارقىلى 265 شارۋاشىلىق قارجىلاندىرىلدى. بۇدان بٶلەك, 315 اۋىل شارۋاشىلىعى تاۋارىن ٶندٸرۋشٸ «قازاگروقارجى» اق-نىڭ قارجىلاي قولداۋىمەن 705 تەحنيكا ساتىپ العان.
