قاراعاندىدا وتكەن جەكپە-جەك تۋرنيرىنەن كەيىن 18 جاستاعى سپورتشى ارىسلان اتىمتايەۆ اۋىر حالدە اۋرۋحاناعا ءتۇستى. ءقازىر ول جانساقتاۋ بولىمىندە جاتىر. بۇل تۋرالى تۋىستارى مەن قۇزىرلى ورگاندار مالىمدەدى، دەپ حابارلايدى Dalanews.kz.
Halyqstan تەلەگرام ارناسىنىڭ مالىمەتىنشە، وقيعا 15 اقپاندا، قالالىق جەكپە-جەك فەدەراسياسى ۇيىمداستىرعان ءتۋرنيردىڭ ەكىنشى كۇنىندە بولعان. سپورتشىنىڭ جاقىندارىنىڭ ايتۋىنشا، جەكپە-جەكتەردىڭ بىرىندە قارسىلاسى تىيىم سالىنعان ءادىس قولدانىپ، ارىسلاندى باسىمەن تومەن قاراتا لاقتىرعان. الايدا تورەشىلەر جەكپە-جەكتى توقتاتپاعان.
سول ساتتەن كەيىن ارىسلاننىڭ جاعدايى كۇرت ناشارلاپ، باسىن ۇستاپ وتىرعان. ءبىراز ۋاقىتتان سوڭ ەسىنەن تانىپ قالعان.
جابىرلەنۋشىنىڭ اپكەسى ىڭكار قالييەۆانىڭ سوزىنشە، جارىس ورنىندا تولىققاندى مەديسينالىق كومەك كورسەتىلمەگەن.
"وقيعا ورنىندا قاجەتتى رەانيماسيالىق جابدىقتارى جوق مەدبيكە بولعان. جەدەل جاردەم كەزەكشىلىك ەتپەگەن، ءتىپتى ونى شاقىرماعان. ارىسلاندى ومىرتقاسىن بەكىتپەي الىپ شىقتى، كەيىن مەديسينالىق تاسىمالداۋ تالاپتارىن ساقتاماي كولىككە وتىرعىزعان. اۋرۋحاناعا ونى ەرەسەكتەرسىز، تەك 16 جاستاعى دوستارىمەن جىبەرگەن. ءتىپتى بولعان جايتتى تۋىستارى تۋرنير ۇيىمداستىرۋشىلارىنان ەمەس، دوستارىنان ەستىدى"، - دەيدى ول.
وبلىستىق دەنساۋلىق ساقتاۋ باسقارماسى سپورتشىنىڭ جاعدايى اۋىر ەكەنىن، ونىڭ جانساقتاۋ بولىمىندە جاتقانىن حابارلادى.
ال قاراعاندى وبلىستىق پوليسيا دەپارتامەنتىنىڭ باسپا ءسوز قىزمەتى اتالعان دەرەك بويىنشا ق ر قىلمىستىق كودەكسىنىڭ 114-بابى بويىنشا سوتقا دەيىنگى تەرگەۋ باستالعانىن مالىمدەدى.
"قازىرگى ۋاقىتتا وقيعانىڭ بارلىق ءمان-جايىن جان-جاقتى ءارى وبەكتيۆتى انىقتاۋعا باعىتتالعان قاجەتتى تەرگەۋ ارەكەتتەرى جۇرگىزىلۋدە"، - دەلىنگەن ۆەدومستۆو حابارلاماسىندا.
