قاراعاندىدا پروكۋراتۋرا 58 مىڭنان استام تۇتىنۋشىنىڭ قۇقىقتارىن قورعاپ، 100 ملن تەڭگەگە جۋىق قاراجاتتى قايتا ەسەپتەتكىزدى، دەپ حابارلايدى Dala News.
قازىبەك بي اۋدانى پروكۋراتۋراسى تابيعي مونوپوليالار سالاسىنداعى زاڭنامانىڭ ساقتالۋىنا تالداۋ جۇرگىزگەن. ناتيجەسىندە «تەپلوترانزيت» ج ش س 2024–2025 جىلدارداعى جىلىتۋ ماۋسىمىندا سىرتقى اۋا تەمپەراتۋراسىنا بايلانىستى ءتاريفتى قايتا ەسەپتەۋ مىندەتىن ورىنداماعانى انىقتالعان.
زاڭ تالاپتارىنا سايكەس، تابيعي مونوپوليا سۋبەكتىلەرى جىلۋ ەنەرگياسىنىڭ قۇنىن ناقتى اۋا رايى جاعدايىنا قاراي قايتا ەسەپتەۋى ءتيىس.
پروكۋرورلىق قاداعالاۋ اكتىسىنەن كەيىن سەرىكتەستىك 58 مىڭنان استام تۇتىنۋشىعا جالپى سوماسى 100 ملن تەڭگە قاراجاتتى قايتا ەسەپتەگەن.
پروكۋراتۋرا ازاماتتاردىڭ قۇقىقتارىن قورعاۋ جانە زاڭ تالاپتارىنىڭ ساقتالۋىن باقىلاۋ جۇمىستارى جالعاساتىنىن مالىمدەدى.
