Qaraǵandyda prokýratýra 58 myńnan astam tutynýshynyń quqyqtaryn qorǵap, 100 mln teńgege jýyq qarajatty qaıta eseptetkizdi, dep habarlaıdy Dala News.

Qazybek bı aýdany prokýratýrasy tabıǵı monopolıalar salasyndaǵy zańnamanyń saqtalýyna taldaý júrgizgen. Nátıjesinde «Teplotranzıt» JSHS 2024–2025 jyldardaǵy jylytý maýsymynda syrtqy aýa temperatýrasyna baılanysty tarıfti qaıta esepteý mindetin oryndamaǵany anyqtalǵan.

Zań talaptaryna sáıkes, tabıǵı monopolıa sýbektileri jylý energıasynyń qunyn naqty aýa raıy jaǵdaıyna qaraı qaıta esepteýi tıis.

Prokýrorlyq qadaǵalaý aktisinen keıin seriktestik 58 myńnan astam tutynýshyǵa jalpy somasy 100 mln teńge qarajatty qaıta eseptegen.

Prokýratýra azamattardyń quqyqtaryn qorǵaý jáne zań talaptarynyń saqtalýyn baqylaý jumystary jalǵasatynyn málimdedi.