قاراعاندىدا ايازدا كوشەدەن تابىلعان ءسابي اناسىنا قايتارىلۋى مۇمكىن. بۇل تۋرالى قالانىڭ قورعانشىلىق جانە قامقورشىلىق ءبولىمى مالىمدەدى، - دەپ حابارلايدى Dalanews.kz "پاتريوت" Telegram-ارناسىنا سىلتەمە جاساپ.
ۆەدومستۆو مالىمەتىنشە،نارەستەنىڭ 22 جاستاعى اناسىنىڭ پسيحيكالىق جاعدايىنا ساراپتاما جۇرگىزىلىپ جاتىر.
"ەگەر ول ءوزىن-وزى باسقارا الاماعانى نەمەسە كۇشتى دارى-دارمەك اسەرىندە بولعانى نەمەسە بالادان قۇتىلۋ ءۇشىن وعان قانداي دا ءبىر قىسىم جاسالعانى انىقتالسا، وندا وعان بالا قايتارىلۋى مۇمكىن. نەمەسە ول اتا-انا قۇقىعىنان ايىرىلۋى مۇمكىن. ازىرگە ونىڭ ىس-ارەكەتىنە زاڭدى باعا بەرىلمەگەن. ەگەر ول نارەستەنى سانالى تۇردە تاستاپ كەتكەنى جانە تاربيەلەگىسى كەلمەيتىنى انىقتالسا، وندا نارەستە قايتارىلمايدى. ول نارەستە ۇيىنە بەرىلەدى. ال ەسەيگەن كەزدە بالالار ۇيىنە اۋىستىرىلادى"، - دەپ حابارلادى "قاراعاندى ءبىلىم ءبولىمى" قورعانشىلىق جانە قامقورشىلىق ءبولىمى.
سونداي-اق، ۆەدومستۆو تەوريالىق تۇرعىدان بالانى باسقا نيەتتىلەر دە اسىراپ الا الاتىنىن جەتكىزدى.
"بالانىڭ مارتەبەسى ءالى انىقتالعان جوق. ەگەر "جەتىم"، "باس تارتۋ" مارتەبەسى انىقتالسا، وندا ول اسىراپ الۋعا قويىلادى. ازىرگە ءبىز بالا اسىراپ الۋ ءۇشىن ۇمىتكەر قاراستىرا المايمىز. بارلىعى زاڭ بويىنشا بولۋى كەرەك"، - دەپ مالىمدەدى ءبىلىم ءبولىمى.
قازىرگى ۋاقىتتا بالا بالالار اۋرۋحاناسىندا تەكسەرىلىپ جاتىر. سونىمەن قاتار، 22 جاستاعى ايەل مەن 29 جاستاعى ەر ادامعا قاتىستى قىلمىستىق ءىس ءجۇرىپ جاتىر.
ەسكە سالايىق، قاراعاندىدا ەر ادام 24 اقپاندا كەشكى ساعات 10-دا كوپقاباتتى ءۇيدىڭ كىرەبەرىسىنىڭ جانىنان ءوتىپ بارا جاتىپ كورپەگە ورالعان جەردە جاتقان بالانى كورگەن. 28 اقپاندا پوليسيا نارەستەنىڭ 22 جاستاعى اناسى مەن ونىڭ 29 جاستاعى اكەسىنىڭ ۇستالعانى تۋرالى حابارلادى.
