قاراعاندىدا كرىلوۆ كوشەسىندەگى تۇرعىن ۇيلەردىڭ بىرىنەن 38 جاستاعى ايەل مەن ونىڭ كامەلەتكە تولماعان قىزىنىڭ مايىتتەرى تابىلدى، دەپ حابارلايدى Dalanews.kz.
ۆىحود ك پراۆدە تەلەگرام ارناسىنىڭ مالىمەتتەرىنە سايكەس، مارقۇمداردىڭ دەنەسىندە زورلىق-زومبىلىق بەلگىلەرى مەن جاراقاتتار بولعان. بۇل جاعداي ولاردىڭ قاساقانا ولتىرىلگەنىن مەڭزەيدى.
اتالعان دەرەك بويىنشا پوليسيا قىلمىستىق ءىس قوزعاعانىن حابارلادى. ءقازىر كۇدىكتى انىقتالىپ، ونى ۇستاۋ بويىنشا جەدەل ىزدەستىرۋ شارالارى جۇرگىزىلىپ جاتىر.
قۇقىق قورعاۋ ورگاندارىنىڭ مالىمەتىنشە، وقيعانىڭ بارلىق ءمان-جايىن انىقتاۋ ءۇشىن كەشەندى تەرگەۋ امالدارى قولعا الىنعان.
