قاراعاندى جانە پاۆلودار وبلىستارىنىڭ شەكاراسىن ءورت باستى، - دەپ حابارلايدى Dalanews.kz.
قاراعاندى جانە پاۆلودار وبلىستارىنىڭ شەكارا اۋماعىنداعى تابيعي ءورتتى ءسوندىرۋ جۇمىستارى جالعاسۋدا. قاتتى ەكپىندى جەل، تاۋلى جەرلەر جانە ءورت وشاقتارىنا كىرمە جولداردىڭ بولماۋى ءورتتى ءسوندىرۋ جۇمىستارىن قيىنداتۋدا.
قازىرگى ۋاقىتتا قاراعاندى جانە پاۆلودار وبلىستارى، استانا قالاسى تجد مەن جەرگىلىكتى اتقارۋشى ورگاندارىنان، تجم 52859 اسكەري بولىمىنەن، «باياناۋىل» مۇتپ 609 ادام جانە 110 بىرلىك تەحنيكا، «قازاۆياقۇتقارۋ» اق مەن ق ر قورعانىس مينيسترلىگىنەن 4 اۋە كەمەسى ءورتتى جويۋ جۇمىستارىنا جۇمىلدىرىلدى.
قاراعاندى وبلىسىنىڭ تەرەكتى اۋىلىندا جانە پاۆلودار وبلىسىنىڭ جەلتاۋ قىستاعىندا ءورت ورنى دالالىق ءورت ءسوندىرۋ شتابتارى ورنالاستىرىلدى. ءورتتى ءسوندىرۋ جۇمىستارى جەرۇستى جانە اۋە كولىگىمەن جۇرگىزىلۋدە.
جالپى 12 جاۋىنگەرلىك ۋچاسكە انىقتالدى. وبلىستىق تجد جانە تجم كوماندالىق ورتالىعىندا جەدەل شتابتار جۇمىس ىستەۋدە.
اۋە كەمەلەرى ءورت وشاقتارىنا 15 رەت جالپى كولەمى 22 توننا سۋ توكتى.
اقپاراتتىق پسيحولوگيالىق قولداۋ كورسەتۋ ءۇشىن قاراعاندى وبلىسىنىڭ تجد 8 721 2 51 72 23، پاۆلودار وبلىسىنىڭ تجد 8 718 2 20 11 12 جەدەل جەلى تەلەفوندارى جۇمىس ىستەيدى.
