قار قۇرساۋىندا قالعان سەمەي مەن اباي اۋدانىنا بارىنشا كٶمەك كٶرسەتٸلۋدە
ٷش اۋداننىڭ ەكٸمدٸگٸ اباي اۋدانىنداعى قىستاقتارعا اپاراتىن جولداردىڭ قارىن تازالاۋ ٷشٸن ٷش اۋىر تەحنيكا جٸبەرۋلەرٸ كەرەك. وبلىستىق اۋىل شارۋاشىلىعى باسقارماسى تٶرت اۋداننىڭ ەكٸمدٸگٸمەن بٸرلەسٸپ, سەمەي قالاسىنىڭ جەنە اباي اۋدانىنىڭ قار قۇرساۋىندا قالعان شارۋا قوجالىقتارىنا 1500 توننا شٶپ پەن 537 توننا جەم جەتكٸزۋدٸ ۇيىمداستىرۋى قاجەت.
سونىمەن قاتار, اۋىل شارۋاشىلىعى باسقارماسىنا سەمەي قالاسى مەن اباي اۋدانىنىڭ ەكٸمدٸكتەرٸمەن بٸرگە اۋىلشارۋاشىلىق ٶنٸمدەرٸن ٶندٸرەتٸن كەسٸپورىندارىمەن كەلٸسٸپ, ەلسٸرەگەن مالدى ٶتكٸزۋدٸ ويلاستىرۋ مٸندەتتەلٸپ وتىر.
اباي اۋدانىنىڭ سارجال اۋىلدىق وكرۋگٸندە قاراشادان بەرٸ 50 سانتيمەتردەن استام قار تٷسٸپ, ارتىنشا جاڭبىر جاۋدى, ايازداتتى. سٶيتٸپ, جەر بەتٸنە مۇز قاتىپ, جىلقىلاردىڭ تەبٸندەۋٸ قيىنداي تٷسكەن.
