Qar qursaýynda qalǵan Semei men Abai aýdanyna barynsha kómek kórsetilýde
Úsh aýdannyń ákimdigi Abai aýdanyndaǵy qystaqtarǵa aparatyn joldardyń qaryn tazalaý úshin úsh aýyr tehnika jiberýleri kerek. Oblystyq aýyl sharýashylyǵy basqarmasy tórt aýdannyń ákimdigimen birlesip, Semei qalasynyń jáne Abai aýdanynyń qar qursaýynda qalǵan sharýa qojalyqtaryna 1500 tonna shóp pen 537 tonna jem jetkizýdi uiymdastyrýy qajet.
Sonymen qatar, aýyl sharýashylyǵy basqarmasyna Semei qalasy men Abai aýdanynyń ákimdikterimen birge aýylsharýashylyq ónimderin óndiretin kásiporyndarymen kelisip, álsiregen maldy ótkizýdi oilastyrý mindettelip otyr.
Abai aýdanynyń Sarjal aýyldyq okrýginde qarashadan beri 50 santimetrden astam qar túsip, artynsha jańbyr jaýdy, aiazdatty. Sóitip, jer betine muz qatyp, jylqylardyń tebindeýi qiyndai túsken.
