ناريمان ەبٸلشايىقوۆتىڭ سٶزٸنشە, قاپشاعاي قالاسىنداعى كقكو الماتى وبلىسىندا اۋداندىق جەنە قالالىق دەڭگەيدە اشىلعان تۇڭعىش ورتالىق بولىپ تابىلادى.
– بۇل ورتالىقتىڭ اشىلۋى قاپشاعاي كەسٸپكەرلەرٸنە تولىق قىزمەت كٶرسەتٸپ قانا قويماي, سونىمەن بٸرگە بالقاش جەنە كەربۇلاق اۋدانىنىڭ كەسٸپكەرلەرٸنە دە تيٸستٸ قىزمەت كٶرسەتۋگە مٷمكٸندٸك بەرەدٸ. الداعى ۋاقىتتا مۇنداي ورتالىقتى تالعار مەن قاراساي اۋداندارىندا دا اشۋدى جوسپارلاپ وتىرمىز. وسىلايشا, بٸزدٸڭ قىزمەت الماتى ٶڭٸرٸندەگٸ كەسٸپكەرلەر ٷشٸن ودان ارى قولجەتٸمدٸ جەنە قولايلى بولادى, – دەپ اتاپ ٶتتٸ وبلىستىق پالاتا باسشىسى.
كەسٸپكەرلەرگە قىزمەت كٶرسەتۋ ورتالىعىندا «بٸر تەرەزە» پرينتسيپٸ بويىنشا بۋحگالتەرلٸك, زاڭگەرلٸك, ماركەتينگتٸك قىزمەتتەر, مەملەكەتتٸك ساتىپ الۋ, كەسٸپكەرلٸكتٸ قولداۋعا ارنالعان مەملەكەتتٸك باعدارلامالار بويىنشا كەڭەستەر بەرٸلەدٸ.
تاعى ايتا كەتەتٸن مەسەلە ورتالىق مەملەكەتتٸك ورگاندار ٶكٸلدەرٸ كەسٸپكەرلەردٸ سەۋلەت جەنە قالا قۇرىلىسى, جەر قاتىناستارى مەسەلەلەرٸ بويىنشا قابىلداپ, قىزمەت كٶرسەتەدٸ. سونىمەن بٸرگە مۇندا «بيزنەس مەكتەپ» كومپونەنتٸ بويىنشا كەسٸپكەرلٸك نەگٸزدەرٸنە وقىتۋ مەن سەمينارلاردى ۇدايى جٷرگٸزٸلٸپ تۇرماقشى.
ورتالىق جانىندا قالالىق كەسٸپكەرلەر كەڭەسٸنٸڭ بٶلمەسٸ جەنە مەملەكەتتٸك ورگانداردىڭ قابىلداۋ جٷرگٸزۋٸنە ارنالعان كەسٸپكەرلەردٸ قابىلداۋ بٶلمەسٸ اشىلدى.
ٶز كەزەگٸندە قاپشاعاي قالاسى ەكٸمٸ تالعات قايناربەكوۆ كەسٸپكەرلٸكتٸ قولداۋ جۇمىستىڭ اسا ماڭىزدى مٸندەتٸ ەكەنٸن اتاپ ٶتتٸ. قازٸرگٸ تاڭدا قاپشاعايدا 3,6 مىڭنان استام شاعىن جەنە ورتا كەسٸپكەرلٸك سۋبەكتٸسٸندە 16,5 مىڭنان استام ادام جۇمىس ٸستەيدٸ.
– كەسٸپكەرلەرگە قىزمەت كٶرسەتۋ ورتالىعىنىڭ قۇرىلۋى قالامىزدا جۇمىس ٸستەپ تۇرعان كەسٸپكەرلەرگە جەنە كەسٸپكەرلٸك ىنتاسى بار ازاماتتارعا قولايلى جاعداي تۋعىزاتىتىنا سەنٸمدٸمٸن. وسى ورتالىقتا كەسٸپكەرلەر ٶز جوباسى مەن ٸسٸن قارجىلاندىرۋعا قاتىستى قاجەتتٸ بارلىق مەلٸمەتتٸ الا الادى. سوندىقتان كەسٸپكەرلەرگە قىزمەت كٶرسەتۋ ورتالىعى قاپشاعايداعى كەسٸپكەرلٸكتٸڭ تيٸمدٸ دامۋىنا ىقپال ەتەتٸنە سەنٸمدٸمٸز, – دەدٸ تالعات قايناربەكوۆ.
ايتا كەتەيٸك, بيىل كەسٸپكەرلەر پالاتاسىنىڭ قاپشاعاي قالالىق فيليالى كەسٸپكەرلەرگە 500-دەي سەرۆيستٸك قىزمەت پەن كەڭەستەر بەردٸ. ٶتكەن جىلى 45 بيزنەس-جوسپار ەزٸرلەنٸپ, ونىڭ 16-ى جالپى سوماسى 72 ملن تەڭگەنٸ قۇرادى.
قالالىق فيليالدىڭ قولداۋىمەن 2017 جىلى «بيزنەستٸڭ جول كارتاسى – 2020» باعدارلاماسى اياسىندا 28 ملن تەڭگەگە 2 جوبا قارجىلاندىرىلدى جەنە 3 جوبا قۇنى 4,5 ملن تەڭگە بولاتىن مەملەكەتتٸك گرانتقا يە بولدى. «بيزنەس-كەڭەسشٸ» جوباسى بويىنشا 36 قاپشاعايلىق بيزنەس وقىتۋدان ٶتتٸ. ال «ٸسكەرلٸك بايلانىستار» جوباسى ارقىلى 3 كەسٸپكەر شەتەلدە ٶز بٸلٸكتٸلٸگٸن ارتتىرىپ كەلدٸ.
ەسكە سالساق, الماتى وبلىسىنداعى تۇڭعىش تولىق فورماتتى كەسٸپكەرلەرگە قىزمەت كٶرسەتۋ ورتالىعى جىل باسىندا تالدىقورعاندا ٸسكە قوسىلعان بولاتىن. تالدىقورعانداعى كەسٸپكەرلەرگە قىزمەت كٶرسەتۋ ورتالىعىندا سەرۆيستٸك قىزمەتتەر جەنە جارىق, سۋ, گاز جەنە جىلۋعا قوسىلۋ بويىنشا تەحنيكالىق شارتتاردى رەسٸمدەۋ بويىنشا قىزمەتتەر كٶرسەتٸلەدٸ.
