وسىدان ەكى اي بۇرىن عانا شاڭىراق كوتەرگەن 22 جاستاعى اڭسار 5ء-شى قاڭتاردا الماتىداعى وقيعا كەزىندە قازا تاپقان. شىمكەنت قالاسىندا جەر قوينىنا تاپسىرعان مۇردەنى قايتا قازىپ الۋ جونىندە سوت شەشىم شىعارعان. ال ونسىز دا بالاسىنان ايىرىلىپ، قايعىدان قان جۇتقان اتا-اناسى سوتتىڭ مۇنداي شەشىمىمەن كەلىسپەي، جوعارعى سوتقا ارىز جازىپ، مولانى كۇزەتۋمەن ءجۇر.
مارقۇمنىڭ اناسى جازيرا جانداربەكوۆا 7-قاڭتاردان باستاپ بۇگىنگى كۇنگە دەيىن مازاراتتى اڭدۋمەن جۇرەمىن دەيدى.
“بالامنىڭ اڭسار ۇلىمنىڭ باسىندا كرەديتى بار. نە ىستەيمىن، كىمنەن كومەك سۇرايمىن”، – دەيدى ول.
الماتى وبلىسىنداعى جامبىل اۋدانىنا قاراستى اقسەڭگىر اۋىلىنىڭ تۇرعىنى 21 جاستاعى ولجاس ءالىمجان ۇلى دا الماتىدا 5ء-شى قاڭتار كۇنى قازا تاپتى. ونىڭ دا ەتجاقىندارى ەكسگۋماسيا جاساتۋعا جول بەرمەيمىز دەپ وتىر. ال بۇل سۋرەتتەگى مارات مۇسابەكوۆ 5ء-شى قاڭتار كۇنى الماتىدا جۇمىستان قايتىپ كەلە جاتقاندا وق ءتيىپ، قازا تاپقان. ۇلى اكەسىنىڭ دەنەسىن جەر قوينىنا تاپسىرعاننان سوڭ 11 كۇننەن كەيىن قۇقىق قورعاۋ ورگاندارى مۇردەنى قارسىلىققا قاراماستان قايتا قازىپ الدى دەيدى.
مارقۇمنىڭ ۇلى سۇلتان مۇسابەكوۆ ەكسگۋماسيا كۇشتەپ جۇرگىزىلدى دەپ وتىر.
“قازىرگى ۋاقىتتا بىزگە ساراپتاما قورىتىندىسى اقپان ايىنىڭ سوڭىندا دايىن بولاتىنىن ايتتى”، – دەيدى ول.
ال باس پروكۋراتۋرا جەر قوينىنان دەنەسى قايتا قازىپ الىنىپ، ەكسگۋماسيا جاسالىپ جاتقان مارقۇمدار كۇدىكتى ەمەس ەكەنىن جەتكىزدى. قايتىس بولعان ادامداردىڭ دەنەسى قىلمىستىق ىستە كۇدىكتى رەتىندە تانىلعاندىقتان قايتا قازىلىپ الىنىپ جاتقان جوق.
قايتىس بولۋ سەبەپتەرى مەن ءمان-جايلارىن انىقتاۋ ماقساتىندا تەكسەرۋلەر مەن ساراپتامالار جۇرگىزۋ قاجەتتىگىنە قاراماستان، تۋىستارى الىپ كەتكەن مارقۇمداردىڭ دەنەلەرىنە عانا ەكسگۋماسيا جاسالادى. ال بالالارىن جەر قوينىنا ءبىر اي بۇرىن تاپسىرىپ، قارا جامىلعان وتباسىلار ەكسگۋماسيانى توقتاتىپ، ءارۋاقتارعا تىنىشتىق بەرسىن دەيدى.
https://www.youtube.com/watch؟v=jP1ouH1d31o&list=PLn2OyECVOtB-Zjv3hPIiC7f-IewZeXYKZ&index=10
