الماتىدا «قاڭتار وقيعاسىنا» قاتىستى ايىپتالعانداردىڭ ٷكٸمٸ جارييالاندى. ارمان جۇماگەلديەۆ («ديكيي ارمان»), قايرات قۇدايبەرگەن, رۋسلان ىسقاقوۆ سىندى باستى فيگۋرانتتارمەن قاتار, سوتتالۋشىلار تٸزٸمٸندە تاعى دا ونداعان ادام بار, دەپ حابارلايدى Dalanews.kz.
سوت قاڭتار وقيعاسى كەزٸندە ۇستالعان ۇقك-نىڭ 5-شٸ دەپارتامەنتٸنٸڭ بۇرىنعى باستىعى رۋسلان ىسقاقوۆتى تاعىلعان ايىپتار بويىنشا كٸنەلٸ دەپ تانىپ, 15 جىل 6 ايعا باس بوستاندىعىنان ايىردى.
بۇعان قوسا, وعان مەملەكەتتٸك قىزمەتتە لاۋازىم يەلەنۋگە تىيىم سالىنىپ, مەملەكەتتٸك ناگرادالارىنان ايىرىلدى.
ەسكە سالساق, رۋسلان ىسقاقوۆ بۇعان دەيٸنگٸ مەلٸمدەمەسٸندە «قاڭتار وقيعاسى» كەزٸندە بۇيرىقتى سامات ەبٸش (ەكس-پرەزيدەنت نازارباەۆتىڭ نەمەرە ٸنٸسٸ, ۇقك تٶراعاسىنىڭ بۇرىنعى ورىنباسارى) بەرگەنٸن ايتقان.
سونداي-اق ول ارمان جۇماگەلديەۆتٸ ۇستاۋ تۋرالى نۇسقاۋ شەتەلدەن تەلەفون ارقىلى تٷسكەنٸن مەلٸمدەگەن بولاتىن.
