قازاقستاندىقتاردىڭ زەينەتاقى جيناقتارى قاڭتار ايىندا ايتارلىقتاي ازايا ءتۇستى. "ءبىرىڭعاي جيناقتاۋشى زەينەتاقى قورى" اق (بجزق) قازاقستاندىقتاردىڭ زەينەتاقى اكتيۆتەرىن باسقارۋشى كومپانيالاردىڭ 2025 جىلعى قاڭتارداعى تابىستارىن قورىتىندىلادى، دەپ جازادى Dalanews.kz سىلتەمە جاساپ.

قاڭتار ايىنداعى ناتيجەگە ىقپال ەتكەن فاكتورلاردىڭ ءبىرى - تەڭگەنىڭ دوللارعا شاققانداعى 1،32%- عا نىعايۋى: 525،11-دەن 518،14 تەڭگە دەيىن. بۇل باسقارۋشى كومپانيالاردىڭ دوللار تۇرىندەگى پورتفەلىندەگى قاراجاتتارعا ايتارلىقتاي اسەر ەتتى. جالپى، ۆاليۋتالىق اكتيۆتەردىڭ ۇلەسى نەعۇرلىم جوعارى بولسا، تەڭگەنىڭ نىعايۋىنان كىرىستىلىككە تەرىس اسەر سوعۇرلىم كۇشتى بولادى.

بجزق اكتيۆتەرىنىڭ باسىم كوپشىلىگىن باسقاراتىن ق ر ۇلتتىق بانكى ءارتۇرلى ناتيجەلەر كورسەتتى. دوللار تۇرىندەگى اكتيۆتەردىڭ ۇلەسى 40%-دان اساتىن مزج/ەزج شەڭبەرىندەگى اكتيۆتەر تابيعي تۇردە -1،25% تەرىس نومينالدى كىرىستىلىكتى كورسەتتى. قاڭتار ايىنداعى رەسمي ينفلياسيا كورسەتكىشىن  ەسكەرە وتىرىپ، قازاقستاندىقتاردىڭ كوپشىلىگىنىڭ زەينەتاقى اكتيۆتەرىنىڭ ناقتى كىرىستىلىگى 2،35%-عا تومەندەدى. 2025 جىلعى 1 قاڭتارداعى جاعداي بويىنشا، ۇلتتىق بانكتىڭ باسقارۋىندا 22،41 ترلن تەڭگە بجزق اكتيۆتەرى بولدى، ياعني قاڭتارداعى ناقتى اقشالاي شىعىن 526 ملرد تەڭگەنى قۇرايدى. ق ر ۇلتتىق بانكى اكتيۆتەردىڭ ۆاليۋتالىق قۇرىلىمى تولىعىمەن تەڭگەلىك (ۆاليۋتالىق سالىمداردىڭ 0%) مزجج شەڭبەرىندە اكتيۆتەردى باسقارۋشى رەتىندە كىرىستىلىگى -3،67% -دى قۇرادى، بۇل بارلىق باسقارۋشىلار اراسىندا ەڭ ناشار ناتيجە، سوندىقتان وسى رەتتە ساۋال تۋىندايدى. بۇل نارىق جاعدايلارى وزگەرگەن كەزدە تولىق تەڭگە تۇرىندەگى پورتفەلدەردىڭ اسا وسالدىعىن تانىتادى، دەپ جازادى inbusiness.kz.

ينۆەستپورتفەلدى باسقارۋشى كومپانيالاردىڭ 2025 جىلدىڭ قاڭتارداعى تابىستىلىعى بويىنشا رەيتينگى:

دەرەككوز: بجزق اق، 2025.

قاڭتار ايىندا كىرىستىلىك بويىنشا كوشباسشى BCC Invest بولدى، ونىڭ نومينالدى كىرىستىلىگى +0،58% (دوللار تۇرىندەگى اكتيۆتەرىنىڭ ۇلەسى – 17،21%). Halyk Global Market +0،28% (ۆاليۋتالىق اكتيۆتەردىڭ 20،28%) تابىستى كورسەتتى. Jusan + 0،09% كىرىستىلىكپەن وڭ تەڭگەرىمدى ساقتاي الدى (دوللارلاندىرۋ – 29،04%). بۇل كىرىستەر، ارينە ينفلياسيانى جاپپايتىنىن وبەكتيۆتى تۇردە مويىنداۋ كەرەك.

Centras Securities، كەرىسىنشە، 21،23% ۆاليۋتالىق اكتيۆتەرى جاعدايىندا -0،74%، ياعني تەرىس كىرىستى تىركەدى. ۆاليۋتالىق اكتيۆتەردىڭ ەداۋىر ۇلەسىنە (35%) يە Halyk Finance وسى ايداعى كىرىسى -0،05%-بەن شامالى تومەندەۋدى كورسەتتى.  بۇل تەڭگەنىڭ نىعايۋى اياسىندا اكتيۆتەردى قايتا باعالاۋ كەزىندەگى سالداردى تانىتادى.  

جەلتوقسان ايىندا ءوز كليەنتتەرىنە 2،66% جانە 2024 جىلدىڭ قورىتىندىسى بويىنشا 18،07% تابىس اكەلگەن Halyk Finance ۆاليۋتالىق ءارتاراپتاندىرۋ ساياساتىنا ستاۆكا جاساپتى. وندا دا 2024 جىلدان باستالعان ۆاليۋتالىق اكتيۆتەر پورتفەلىن ۇلعايتۋ جونىندەگى جوسپارلى ستراتەگياسى بولدى. 2024 جىلدىڭ ءى جارتىجىلدىعىنىڭ قورىتىندىسى بويىنشا كليەنتتەرمەن ەسەپتىك كەزدەسۋدە بەلگىلى بولعانداي، ۆاليۋتالىق اكتيۆتەردىڭ ۇلەسى ەكى ەسەگە ارتىپ، 32%-دى قۇرادى. وسى جىلدىڭ 1 قاڭتارىندا ۆاليۋتالىق اكتيۆتەردىڭ ۇلەسى 35%-دان استى.

بۇعان دەيىن ينۆەستيسيالىق بانك باسشىلىعى زەينەتاقى اكتيۆتەرىنىڭ ۆاليۋتالىق بولىگىن 50%-عا دەيىن ۇلعايتۋ جونىندەگى ءوز جوسپارلارى بارىن ايتقان. مەنەدجمەنت لوگيكاسى بويىنشا، بۇل تەڭگەنىڭ قۇنسىزدانۋ تاۋەكەلدەرىن ازايتادى جانە ۇزاقمەرزىمدى كەزەڭدە كليەنتتەردىڭ جيناقتارىنا وڭ اسەر ەتەدى. Halyk Finance ينۆەستيسيالارىنىڭ باسىم بولىگى قازاقستان (57%) جانە اقش (33%) ەميتەنتتەرى شىعارعان قۇرالدارعا تيەسىلى. اكتيۆتەردىڭ باسىم كوپشىلىگى مەملەكەتتىك (>38%) جانە قارجىلىق (>37%) سەكتورلاردىڭ باعالى قاعازدارىنا ينۆەستيسيالانعان، بۇل قاراجاتتىڭ ساقتالۋىنا دەگەن جوعارى سەنىمدىكتى كورسەتەدى.

ەستەرىڭىزگە سالا كەتەيىك، 2023 جىلى Halyk Finance زەينەتاقى اكتيۆتەرىن باسقارۋشىلار (يپب) اراسىندا كليەنتتەر ءۇشىن تابىس اكەلۋدە كوشباسشى بولدى. Halyk Financeقا ءوز جيناقتارىن سەنىپ تاپسىرعان سالىمشىلاردىڭ شوتتارىنا كەلىپ تۇسكەن نومينالدى كىرىستىلىك 17،2% جانە ناقتى ماندە (ينفلياسيانى شەگەرگەندە) 7،4%-دى قۇرادى.

كومپانياعا قازاقستاندىقتاردىڭ جەكە سەنىمگەرلىك باسقارۋعا تاپسىرىپ بەرگەن قاراجاتىنىڭ 65% -ى، ياعني 60،9 ملرد تەڭگەسى تيەسىلى. قاڭتار ايىنداعى ناتيجەلەر پورتفەلدى ورتاشا دوللارلاندىرۋدىڭ ارقاسىندا  تولىق تەڭگەلىك اكتيۆتەردەگى كومپانيالارمەن سالىستىرعاندا اناعۇرلىم ءتيىمدى جاعدايدا بولدى.  ۇلتتىق بانكتىڭ مزجج جاعدايىنداعىداي تەڭگەگە تولىق تاۋەلدىلىك كىرىستىلىكتىڭ ەداۋىر تومەندەۋىنە اكەلدى. بولاشاقتا باسقارۋشى كومپانيالار 2025 جىلعا ارنالعان ستراتەگيالاردى قالىپتاستىرۋ كەزىندە ۆاليۋتالىق اۋىتقۋلاردى ەسكەرۋى كەرەك. زەينەتاقى اكتيۆتەرىن جەكە باسقارۋشى كومپانيالاردىڭ تابىستىلىعىنىڭ سالىستىرمالى تۇردە جوعارى جانە تۇراقتى كورسەتكىشتەرىنە قاراماستان، حالىقتىڭ كوپشىلىگى (اكتيۆتەردىڭ 99،9%) وزدەرىنىڭ زەينەتاقى جيناقتارىن ق ر ۇلتتىق بانكى باسقارۋىندا قالدىرىپ،  ءتيىمدى باسقارۋ ماسەلەسىنە ءالى دە ءپاسسيۆتى قارايدى.

نەگىزىنەن، قازاقستان ازاماتتارى ءوز جيناقتارىن باسقارۋ مۇمكىندىگىنە 2023 جىلدىڭ ورتاسىنان باستاپ يە. سول كەزدە قازاقستاندىقتارعا بجزق-دان ەڭ تومەنگى شەكتىڭ جەتكىلىكتىلىگىنە قاراماستان، بارلىق زەينەتاقى جيناقتارىنىڭ 50%-نا دەيىن جەكە باسقارۋشى كومپانيانىڭ سەنىمگەرلىك باسقارۋىنا بەرۋگە مۇمكىندىك جاسايتىن زاڭ قابىلداندى. بۇل جاڭالىق ينۆەستيسيالاردى كاسىبي باسقارۋ ەسەبىنەن زەينەتاقى قاراجاتىنىڭ كىرىستىلىگىن ارتتىرۋعا باعىتتالعان.

بۇل ءۇشىن ەشقايدا بارۋدىڭ كەرەگى جوق، وپسيانى ۇيدەن شىقپاي-اق ونلاين رەجيمدە پايدالانۋعا بولادى. ول ءۇشىن ەسق ارقىلى بجزق سايتىنداعى جەكە كابينەتكە كىرۋ قاجەت. ارى قاراي، اۋدارىم ءۇشىن قولجەتىمدى سومانى تەكسەرىڭىز (بارلىق زەينەتاقى جيناقتارىنىڭ 50%-نا دەيىن)، قىزمەتپەن تانىسىڭىز جانە قولايلى باسقارۋشى كومپانيانى تاڭداڭىز. ءوتىنىش ونلاين تۇردە بەرىلەدى جانە ەسق ارقىلى راستالادى. جەكە كابينەتتە جانە بجزق سايتىندا جانە باسقارۋشى كومپانيالاردىڭ وزدەرى ءسىزدىڭ اكتيۆتەرىڭىزدى باسقارۋ تۋرالى ەسەپ الا الادى.

ەستەرىڭىزگە سالا كەتەيىك، زاڭمەن رۇقسات ەتىلگەن وسى وپسيانىڭ ارتىقشىلىقتارىنىڭ ءبىرى سالىمشىلار ءۇشىن جوعارى كىرىستىلىك الۋ جانە زەينەتاقى اكتيۆتەرىن ءارتاراپتاندىرۋ مۇمكىندىگى بولىپ تابىلادى. كەيبىر باعالاۋلار بويىنشا، قازاقستاندىقتاردىڭ وزدەرىنىڭ زەينەتاقى جيناقتارىن باسقارۋ ماسەلەلەرىنە بەي-جاي قاراۋى سالدارىنان 2023 جىلدىڭ ءبىر وزىندە 800 ملرد تەڭگە تابىسقا قول جەتكىزە الماعان. بۇل رەتتە تاڭداۋ جاسار الدىندا كومپانيانىڭ بەدەلىن جانە ونىڭ قارجىلىق كورسەتكىشتەرىن مۇقيات زەردەلەۋ ۇسىنىلادى.