الماتى گارنيزونىنىڭ ەسكەري سوتى قاڭتار وقيعاسى كەزٸندە ارحەولوگ ەرلان جاعىپاروۆ پەن ەۋەز قاپسالانوۆتىڭ ٶلٸمٸنە كٸنەلٸ دەپ تانىلعان ۇلتتىق ۇلاننىڭ بۇرىنعى پودپولكوۆنيگٸنە قاتىستى ٷكٸم شىعاردى, دەپ حابارلايدى Dalanews.kz.
سوت ٸستٸ جابىق رەجيمدە "بيلٸكتٸ اسىرا پايدالانۋ, اۋىر زارداپتارعا ەكەلٸپ سوقتىرۋ" بابى بويىنشا (قر قك 451-بابى 2-بٶلٸگٸ) قارادى. سوتتالۋشى وتستاۆكاداعى پودپولكوۆنيك ايتجان ەۋبەكٸروۆ 5571 ەسكەري بٶلٸمٸندە كومانديردٸڭ تەربيە, ەلەۋمەتتٸك جەنە قۇقىقتىق جۇمىستار جٶنٸندەگٸ ورىنباسارى بولعان.
ەسكەري سوت ەۋبەكٸروۆتٸ كٸنەلٸ دەپ تانىپ, 7 جىلعا باس بوستاندىعىنان ايىردى.
49 جاستاعى ەرلان جاعىپاروۆ — تاريحي مۇرالاردى زەرتتەۋمەن اينالىسقان بەلگٸلٸ ەرٸكتٸ, "پەتروگليف ٸزدەۋشٸلەر" قوعامىنىڭ مٷشەسٸ. ول قاڭتار وقيعاسى كەزٸندە جوعالىپ كەتٸپ, بٸرنەشە كٷننەن كەيٸن مەيٸتحانادان تابىلدى. مارقۇمنىڭ دەنەسٸنەن 10-نان استام وق ٸزٸ انىقتالعان.
"مارقۇمنىڭ تۋىستارى ونى بٸرنەشە كٷن بويى ٸزدەدٸ. ەلەۋمەتتٸك جەلٸلەردە ونىڭ جوعالعانى تۋرالى حابار تارادى. اقىرى 12 قاڭتاردا قارالى حابار جەتتٸ: ەرلان جاعىپاروۆتىڭ دەنەسٸ مەيٸتحانادان تابىلدى. ونىڭ ٸنٸسٸ نۇرلان جاعىپاروۆتىڭ ايتۋىنشا, ەرلاندى مەيٸتحانا دەلٸزٸندە, قولىنا كٸسەن سالىنعان, ازاپتاۋ بەلگٸلەرٸ بار كٷيٸندە تاپقان. قۇقىق قورعاۋ ورگاندارىنىڭ ەسەبٸنە سەيكەس, ول جٷرەك تۇسىنا تيگەن وقتان كٶز جۇمعان. سوت-مەديتسينالىق ساراپشىسى ەرجان قاسىمبەكوۆتىڭ مەلٸمەتٸنشە, جاعىپاروۆ العاشىندا تٸكەسٸنەن تٸك تۇرعان كٷيٸندە جاراقات العان. الايدا كەيٸننەن وعان جەردە جاتقاندا دا وق اتىلعان. ساراپشى دەنەسٸنەن 10 وق جاراقاتىن انىقتاعان" دەپ جازادى Orda.kz.
بۇعان دەيٸن الماتىدا قاڭدى قاڭتار وقيعاسى كەزٸندە ەكەلەرٸ وققا ۇشىپ, ال انالارى جول اپاتىنا تٷسكەن جەتٸم تٶرت بالاعا Qazaq Stroy كومپانيياسى باسپانا تارتۋ ەتكەنٸن جازعان ەدٸك.
