قانداستارىمىزدى “قايتىڭىز” دەپ ەمەس, “كٶمەكتەسٸڭٸز” دەپ شاقىرۋ كەرەكپٸز
تەۋەلسٸزدٸك العالى بەرٸ ەلٸمٸزگە 1 ميلليوننان استام قانداسىمىز كٶشٸپ كەلگەن. بۇل بٷگٸنگٸ قازاقستان حالقىنىڭ 5,5 پايىزىن قۇراسا, ەل ٸشٸندەگٸ قازاقتاردىڭ 11-12 پايىزى. قازاق تەك قازاقستان دەگەن ەلدە عانا ٶسٸپ-ٶنە الادى, قازاقتىڭ جالعىز عانا مەملەكەتٸ بار دەگەن شەتەلدەگٸ قانداستارىمىزدىڭ نەگٸزگٸ لەگٸ كٶشٸپ بولدى.
دەگەنمەن شەتەلدە ەلٸ دە 5 ميلليونداي قازاق بار.ولار تۇرعان جەرلەرٸن "وتانىمىز", "تۋعان جەرٸمٸز", "قازاق جەرٸ" دەپ سانايدى. نەگٸزٸ تىنىس-تۇرمىسى جاقسى. ەتنومەدەني قاجەتتٸلٸكتەرٸ ٶتەلٸپ جاتىر. وتانىندا تۇرىپ جاتقاندارعا "وتانىڭىزعا قايتىڭىز!" دەپ ۇرانداۋدىڭ ٶزٸ قاتەلٸك.
ەلدٸڭ تەۋەلسٸزدٸگٸن قايتسەك كٷشەيتەمٸز, قازاقتىڭ سانىن قالاي كٶبەيتەمٸز دەگەنٸمٸز شىن بولسا, شەتەلدەگٸ قازاقتارعا "قازاق مەملەكەتٸنە قايتىڭىز!", "قازاق مەملەكەتٸنٸڭ تەۋەلسٸزدٸگٸن ساقتاپ قالۋعا ات سالىسىڭىز!", "سٸزدەر ەڭ الدىمەن قازاق مەملەكەتٸنە اۋاداي كەرەكسٸزدەر!", "ارقانى قازاقتىڭ مەنشٸگٸندە ساقتاپ قالۋعا كٶمەكتەسٸڭٸزدەر" دەگەن ۇران سالۋىمىز قاجەت.
بەلكٸم وسىنداي جاڭا, تىڭ ۇراندار قازاق كٶشٸنٸڭ قايتا جانداۋىنا ىقپالىن تيگٸزەتٸن بولار دەپ سانايمىن. بٸراق بۇل ٷشٸن قازاقستان قاعاز ەمەس, شىن مەنٸندەگٸ قازاق مەملەكەتٸنە, بارشا ەلەم قازاقتارىنىڭ دٷنيەدەگٸ جالعىز مەملەكەتٸنە اينالۋى تيٸس.
دەرەككٶز: قامشى پورتالى
