Táýelsizdik alǵaly beri elimizge 1 mıllıonnan astam qandasymyz kóship kelgen. Bul búgingi Qazaqstan halqynyń 5,5 paıyzyn qurasa, el ishindegi qazaqtardyń 11-12 paıyzy. Qazaq tek Qazaqstan degen elde ǵana ósip-óne alady, qazaqtyń jalǵyz ǵana memleketi bar degen sheteldegi qandastarymyzdyń negizgi legi kóship boldy.
Degenmen shetelde áli de 5 mıllıondaı qazaq bar.Olar turǵan jerlerin "otanymyz", "týǵan jerimiz", "qazaq jeri" dep sanaıdy. Negizi tynys-turmysy jaqsy. Etnomádenı qajettilikteri ótelip jatyr. Otanynda turyp jatqandarǵa "Otanyńyzǵa qaıtyńyz!" dep urandaýdyń ózi qatelik.
Eldiń táýelsizdigin qaıtsek kúsheıtemiz, qazaqtyń sanyn qalaı kóbeıtemiz degenimiz shyn bolsa, sheteldegi qazaqtarǵa "Qazaq memleketine qaıtyńyz!", "Qazaq memleketiniń táýelsizdigin saqtap qalýǵa at salysyńyz!", "Sizder eń aldymen qazaq memleketine aýadaı kereksizder!", "Arqany qazaqtyń menshiginde saqtap qalýǵa kómektesińizder" degen uran salýymyz qajet.
Bálkim osyndaı jańa, tyń urandar qazaq kóshiniń qaıta jandaýyna yqpalyn tıgizetin bolar dep sanaımyn. Biraq bul úshin Qazaqstan qaǵaz emes, shyn mánindegi Qazaq memleketine, barsha álem qazaqtarynyń dúnıedegi jalǵyz memleketine aınalýy tıis.
Derekkóz: Qamshy portaly
