پاۆلودار وبلىسىنىڭ پوليسياسى الەۋمەتتىك جەلىگە ناستيا بروۆكا ەسىمىمەن تىركەلگەن ازاماتتىڭ ۇستىنەن قىلمىستىق ءىس قوزعادى.
1 مامىر بىرلىك كۇنى تاراعان ۆيدەودا پاۆلودار تۇرعىنى وبلىسقا قونىستانىپ جاتقان قانداستارعا ءتىل تيگىزىپ، شوۆينيستىك پىكىر بىلدىرگەن. سونىمەن قاتار پاۆلودار اتاۋىن اۋىستىرۋعا قارسى ەكەنىن ايتىپ، بىلاپىت سوزدەردى ارالاستىرا سويلەگەن ەدى.
“1 مامىردا Instagram جەلىسىندەگى الەۋمەتتىك جەلىلەرگە مونيتورينگ جۇرگىزۋ بارىسىندا @nastya_brovkapvl پاراقشاسىندا بويجەتكەن الەۋمەتتىك جەلىدە بالاعات سوزدەر ايتىپ، موڭعول حالىق رەسپۋبليكاسىنان كەلگەن كانداستار تۋرالى تەرىس سوزدەر ايتقان ۆيدەو جاريالاعان.
بۇل دەرەك پاۆلودار قالاسى پپ سولتۇستىك پوليسيا بولىمىندە تىركەلدى. قۇقىق بۇزۋشى انىقتالدى. ول 27 جاستاعى پاۆلودارلىق ايەل بولىپ شىقتى.
ونىڭ ۇستىنەن ق ر قىلمىستىق كودەكسىنىڭ 174-بابى (الەۋمەتتىك، ۇلتتىق، رۋلىق، ناسىلدىك، تاپتىق نەمەسە ءدىني ارازدىقتى قوزدىرۋ) بويىنشا سوتقا دەيىنگى تەرگەۋ باستالدى.
قاجەتتى ساراپتاما تاعايىندالدى”، – دەپ مالىمدەدى وسى ورايدا پاۆلودار وبلىسىنىڭ پوليسيا دەپارتامەنتىنىڭ (پب) باستىعى ۆاسيليي سكليار سارسەنبىدە.
سونىمەن قاتار، الەۋمەتتىك جەلىدە ادەپسىز سوزدەر ايتقانى ءۇشىن اقبتك-نىڭ 434-بابىنىڭ 1-بولىگى بويىنشا اكىمشىلىك جاۋاپكەرشىلىككە تارتىلعان.
“ماتەريال سوتتا قارالىپ، قۇقىق بۇزۋشىعا 20 اەك (69 مىڭ تەڭگە) كولەمىندە اكىمشىلىك ايىپپۇل سالىندى”، – دەپ الىپ قوستى سكليار.
https://dalanews.kz/bas-takyryp/88478-zhanga-qazaqstannyng-oz-ayes-i-boluy-kerek
https://dalanews.kz/kogam/88910-qaisar-askeri-patriottyq-oyyndarynyng-aq
