ەتنيكالىق قازاق ابدۋل حاليل نادجيبۋللا قازاقستاندا 20 جىلدان اسا ۋاقىت تۇرعان، ءبىراق 2019 جىلى ازاماتتىعى مەن بيزنەسىنەن ايىرىلعان. ونىڭ ايتۋىنشا، كاسىپورنىن سول كەزدە ۇلتتىق قاۋىپسىزدىك كوميتەتىنىڭ ءتوراعاسى قىزمەتىن اتقارعان كارىم ءماسىموۆتىڭ اكەسى قاجىمقان ماسىموۆكە بەرۋدەن باس تارتقاننان كەيىن وسىنداي جاعداي بولعان. بۇل تۋرالى قازتاگ جازدى، - دەپ حابارلايدى Dalanews.kz.
"2019 جىلى اكەمدى ۇقك-نىڭ بۇرىنعى ءتوراعاسى كارىم ءماسىموۆتىڭ اكەسى قاجىمقان ماسىموۆپەن كەزدەسۋگە شاقىرعان. استاناداعى قوناقۇيلەردىڭ بىرىندە مەنىڭ تۋىستارىمنىڭ كوزىنشە ودان ەليەۆاتوردى بەرۋدى تالاپ ەتكەن. "بيزنەسىڭدى بەرەسىڭ بە، الدە مەنىڭ ۇلىممەن بايلانىسقىڭ كەلە مە؟" دەگەن. اكەم باس تارتقان، سول ساتتەن باستاپ ءبارى قۇلدىراي باستادى"، - دەدى زارداپ شەككەن كاسىپكەردىڭ ۇلى ابدۋل حاليل ءاليجان.
ابدۋل حاليل نادجيبۋللا 1993 جىلى اۋعانستاننان قونىس اۋدارعان، 2001 جىلى پرەزيدەنت جارلىعىمەن قازاقستان ازاماتتىعىن العان. كوكشەتاۋدا تاۋلىگىنە 200 توننا ۇن، 16،6 مىڭ گەكتار جەر جانە 200-دەن اسا قىزمەتكەردى قامتيتىن ديىرمەن كەشەنى بار "ۇماي جەر" اگروونەركاسىپ حولدينگىن قۇرعان. ونىڭ ايتۋىنشا، 2019 جىلى قاجىمقان ءماسىموۆ ونىڭ بيزنەسىنە قىزىعۋشىلىق تانىتقان. قانداستاردىڭ سوزىنشە، بۇدان باس تارتقاننان كەيىن قىلمىستىق قۋدالاۋعا ۇشىراپ، ەكى جىلعا قاماۋعا الىنعان. 2022 جىلى جوعارى سوت ۇكىمنىڭ كۇشىن جويعان، ءبىراق بيزنەس قۇردىمعا كەتكەن. سونداي-اق، كاسىپكەر ازاماتتىعىنان ايىرىلعان.
باسىلىم بۇل جاعدايعا بايلانىستى ۇقك ءتوراعاسىنا ساۋال جولداعان.
"ۇقك ساۋالدا كورسەتىلگەن ادامعا قاتىستى 2022 جىلى قىلمىستىق كودەكستىڭ 245-بابى (ۇيىمدارعا سالىناتىن سالىقتى جانە (نەمەسە) بيۋدجەتكە تولەنەتiن باسقا دا مiندەتتi تولەمدەردى تولەۋدەن جالتارۋ) بويىنشا سوتالدى تەرگەۋ جۇرگىزدى. 2023 جىلى سوت ۇكىمىمەن ول مەملەكەتكە كەلتىرىلگەن زالالدى وتەي وتىرىپ، بەس جىلعا باس بوستاندىعىنان ايىرىلدى"، - دەپ جازىلعان جاۋاپتا.
باسىلىم بۇل اقپاراتقا وراي قاجىمقان ءماسىموۆتىڭ وكىلدەرىنەن پىكىر ءبىلدىرۋدى سۇراعان.
