بٸر اي كٶلەمٸندە تٷرلٸ شىعارماشىلىق بايقاۋلار, شەبەرلٸك ساباقتارى, رەترو كونتسەرتتەر مەن سپورتتىق سايىستار, تانىمال تۇلعالارمەن كەزدەسۋلەر, ەلەۋمەتتٸك نىسانداردىڭ اشىلۋى, كەسٸپورىنداردىڭ تۇساۋكەسەرلەرٸ سەكٸلدٸ كٶپتەگەن شارالار بيىلعى مەرەكەنٸڭ سەنٸن كٸرگٸزەتٸن بولادى. بۇل تۋرالى ٶڭٸرلٸك كوممۋنيكاتسييالار قىزمەتٸ الاڭىندا ٶتكەن باسپاسٶز-مەسليحاتىندا تالدىقورعان قالاسىنىڭ ەكٸمٸ داستان شالتاباەۆ مەلٸمدەدٸ.
قالا ەكٸمٸنٸڭ ايتۋىنشا, بيىلعى مەرەكەنٸڭ ەرەكشەلٸكتەرٸ ٶتە كٶپ. باستىسى – قالاعا كٶرٸك بەرەتٸن تاريحي نىسانداردىڭ تٷبەگەيلٸ جاڭارتىلۋى. قىركٷيەكتٸڭ سوڭىنا دەيٸن ٸ.جانسٷگٸروۆ اتىنداعى مەدەنيەت سارايى, ورتالىق الاڭداعى سۋبۇرقاق, «ٶركەن» سپورت كەشەنٸ تولىق جاڭالانىپ, پايدالانۋعا بەرٸلەدٸ.
ال, 29-قىركٷيەك كٷنٸ «جاستار» ساياباعىندا قالا تۇرعىندارىنا ۇزىندىعى مەن ەنٸ 3 مەتردەن بولاتىن مەرەكەلٸك تورت پەن پيتسا تاراتىلادى.
ەر اپتانىڭ سەنبٸ كٷندەرٸ «كٷز تارتۋى» اۋىلشارۋاشىلىق ٶنٸمدەرٸنٸڭ جەرمەڭكەسٸ ۇيىمداستىرىلادى. جاسىل جەلەكتٸ قالامىزدىڭ تازالىعى دا ەرقاشان نازاردا.
مەرەكە بويى قالا اۋماعىندا «اسار» ۇيىمداستىرىلىپ, اياسىندا تاريحي-مەدەني ەسكەرتكٸشتەر, ساياباقتار مەن شاعىن دەمالىس ورىندارى, سونداي-اق اۋلالار تازالانىپ, قالپىنا كەلتٸرٸلەدٸ. جاستارعا ارنالعان «كٶشباسشى-2018» فەستيۆال-بايقاۋى, «جايدارمان» ويىندارى, «دەنساۋلىق» فەستيۆالدەرٸ ٶتٸپ, ٷزدٸكتەر ماراپاتتالماق.
– قالا كٷنٸ – تالدىقورعاندىقتار تاعاتسىزدانا كٷتەتٸن ايتۋلى مەرەكە. بٸز بۇل مەرەكەگە تولايىم تابىستارمەن كەلٸپ وتىرمىز. ەلباسى ساياساتىنىڭ ارقاسىندا, اماندىق عابباسۇلىنىڭ قولداۋىمەن جەتٸسۋدىڭ باس قالاسى كٷننەن كٷنگە جاڭارىپ, جارقىراپ كەلەدٸ. سوناۋ, تالدىقورعان وبلىس ورتالىعى بولعان 2001 جىلداعى جاعدايمەن قازٸرگٸ قالانى مٷلدەم سالىستىرا المايمىز. ول كەزدەگٸ كٶشپەن بٸرگە مەن دە كەلگەن ەدٸم. سودان بەرٸ تالدىقورعان مەن ٷشٸن ٶتە ىستىق, ەرٸ سٷيٸكتٸ قالاعا اينالدى. بۇيىرسا, الداعى جىلدارى تالدىقورعاننىڭ وبلىس ورتالىعى بولعان مەرەيتويلارىن كەڭ كٶلەمدە اتاپ ٶتەتٸن بولامىز. سول كٷندەردٸ بٸرگە تاماشالاپ, تالدىقورعاننىڭ جەتٸستٸكتەرٸنە اتسالىسىپ جٷرۋگە بارشاڭىزدى شاقىرامىن, – دەدٸ داستان تۇراربەكۇلى.
