الماتى قالاسىنىڭ اكىمى باقىتجان ساعىنتايەۆ جەڭىمپازداردى قۇتتىقتاپ، بايقاۋدىڭ نەگىزگى ماقساتى – اۋلالاردى كوگالداندىرۋدا جاڭا شەشىمدەر تابۋ، قالا تۇرعىندارىنىڭ بەلسەندىلىگى مەن شىعارماشىلىعىن ىنتالاندىرۋ ەكەنىن ەسكە سالدى.
اۋلا اۋماعىن ەڭ جاقسى اباتتاندىرۋعا ارنالعان بايقاۋ تۇرعىنداردى تۇرعىن اۋدانداردا جاسىل اۋماقتار قۇرۋعا قاتىسۋعا ىنتالاندىردى. سونىمەن قاتار، مۇنداي بايقاۋلار جاس ۇرپاقتىڭ ەكولوگيالىق تاربيەسىنە وڭ اسەر ەتەدى.
بايقاۋعا قاتىسقىسى كەلەتىندەر وتە كوپ بولدى – قازىلار القاسىنا 324 اۋلا ۇسىنىلدى، ولاردىڭ 85ء-ى تاڭداپ الىندى.
كوگالداندىرۋ يدەيالارى ادەمى ءارى ەرەكشە بولىپ شىقتى، سوندىقتان جەڭىمپازداردى تاڭداۋ وڭاي بولعان جوق. گران-پري جەڭىمپازىن انىقتاۋ ءۇشىن قوعامدىق كەڭەس مۇشەلەرىنەن، لاندشافتىق ساۋلەتشىلەردەن، قوعامدىق ۇيىمداردىڭ باسشىلارىنان قازىلار القاسى قۇرىلدى. ال 1-3 ورىندار ءۇشىن جەڭىمپازدار ەلەكتروندى داۋىس بەرۋ ارقىلى انىقتالدى.
ەسكە سالساق، بايقاۋ تامىز ايىنىڭ سوڭىندا جاريالاندى، ال وتىنىمدەردى قابىلداۋ 3 قىركۇيەكتە باستالدى. ماتەريالدىق قوردى، اۋلانى كوگالداندىرۋعا قاجەت زاتتاردى، وسىمدىكتەردى ساتىپ الۋ ءۇشىن بولىنەتىن باس جۇلدە 5 ميلليون تەڭگەنى تۇركسىب اۋدانىنداعى مونتاجنايا كوشەسى، 15 مەكەنجايىنداعى اۋلانىڭ تۇرعىندارى الدى.
«اۋلا اۋماعىن كوگالداندىرۋ – 2021» بايقاۋىندا جەڭىمپاز اتانعان تۇرعىن يانا چيستيلينا ءوز اسەرىمەن ءبولىستى.
– ءبىز اۋلانى جەڭىس ءۇشىن كوگالداندىرعان جوقپىز، بۇل بۇرىننان كەلە جاتقان ءداستۇر. ءبىزدىڭ تۇرعىندار وتە تاتۋ، ولار وزدەرى تۇراتىن قالاسىن جاقسى كورەدى. الماتى كۋنىندەگى بۇل جۇلدە ءبىز ءۇشىن ۇلكەن سىيلىق. مەن الماتى تۇرعىندارىنا اۋلالاردى كۇتىپ-باپتاۋعا، ولارعا قامقورلىق جاساۋعا، باستاماشىلىقتى تانىتۋعا شاقىرامىن، – دەدى يا. چيستيلينا.
قازىلار القاسىنىڭ مۇشەسى، لاندشافت ساۋلەتشىسى گۇلزادا قالدىبايەۆا الماتىلىقتاردىڭ اۋلالارىن جاقسارتۋعا دەگەن جوعارى ۇمتىلىسىن اتاپ ءوتتى.
– ءبىزدىڭ تۇرعىندار وزدەرىن ۇلگى رەتىندە كورسەتىپ ءوز قولىڭىزبەن جاساۋ ارقىلى جايلى جاعدايدا ءومىر سۇرە الاتىنىڭىزدى كورسەتەدى. ارىپتەستەرىمىزبەن بىرگە ءبىز كوشەتتەردىڭ سانىن عانا ەمەس، سونىمەن قاتار ارامشوپتەردەن ارىلۋدى دا باعالادىق، سۋارۋعا، كوگالداردىڭ جاعدايىنا، كىشى ارحيتەكتۋرالىق پىشىندەردىڭ بولۋىنا نازار اۋداردىق، - دەدى گ. قالدىبايەۆا.
الماتىدا 4 183 اۋلا بار. وتكەن جىلدارى 3 مىڭعا جۋىق اۋلا جوندەلدى. شامامەن 550 اۋلا جاڭا كوپپاتەرلى تۇرعىن ۇيلەردىڭ اۋماعىنا نەمەسە اپاتتى ۇيلەرگە جاتادى، سوندىقتان ولاردى جوندەۋ مۇمكىن ەمەس. اعىمداعى جىلى «بيۋدجەتكە قاتىسۋ» جوباسى اياسىندا 536 اۋلانى جاڭارتۋ جوسپارلانۋدا.
ايتا كەتەرلىگى، بۇگىن، 19 قىركۇيەكتە قالا كۇنى اتالىپ وتۋدە. بيىلعى جىلى ەپيدەميولوگيالىق جاعدايعا بايلانىستى بۇقارالىق ءىس-شارالار توقتاتىلدى، قالعاندارى نەگىزىنەن ونلاين فورماتىندا نەمەسە قاتىسۋشىلاردىڭ ەڭ از سانىمەن وتكىزىلەدى.
